Chapter Eleven
Isang linggo matapos na makipag-ayos ni Yoko kay Travis at matapos niya itong bigyan ng isa pang pagkakataon, ay ngayon pa lamang ulit sila magkikita. Sinundo siya nito sa labas ng pathwalk nila sa bandang kalsada. Hindi niya nga alam kung ano ba ang dapat niyang maramdaman ngayon na okay na silang muli. Kakabahan ba siya o ma-e-excite? Bahala na.
"Hi," bungad na bati niya kay Travis.
Mabilis siyang sumakay sa kotse nito at nagsuot na ng seatbelt.
"Grocery muna tayo ng mga ingredients, tapos lulutuan kita ng paborito ko," simula ni Travis bago nito paandarin ang kotse.
Tila mas lalo siyang kinabahan. Lulutuan siya nito? Dadalhin ba siya nito sa bahay nila? Baka ipapakilala na siya sa mga magulang ni Travis? Ang dami na niyang naiisip.
"Marunong kang magluto?
