Isabel
Kinusot-kusot ko ang mga mata ko nang maalimpungatan ako sa tunog ng sasakyan. Nang maimulat ko na ang mga mata ko, si Axel kaagad ang nakita ko.
Kumunot ang noo ko. Bumalikwas ako ng bangon ng mapagtanto kong nakahiga ako sa kanlungan niya.
"Paanong--Bakit ako naka-unan sa iyo?"nauutal kong tanong.
Sa tanda ko, siya ang naka-unan sa akin.
"Naka-idlip ka and since gising narin naman ako, pinagpalit ko na puwesto natin."paliwanag niya at tumikhim.
"Sana ginising mo na lang ako."
"Hindi ako ganoong kasamang tao katulad ng inaakala mo."wika niya.
"Hindi raw, kasungit na nga."saad ko at pasimple kong inayos ang buhok ko.
Tinignan ko na ang harapang upuan. Hindi ko nakita si Jea at ngayon ko lang napansin na nakarating na pala kami sa bahay nila Axel.
"Si Jea? Nasaan?"nababah
