“MAY good news na ba kayo sa amin? Magkakaapo na ba kami, ha, Light at Georgette?”
Nagkatinginan sina Georgette at Light sa tanong na iyon ni Mama Lourdes— ang ina ni Light. Kasalukuyan silang nasa bahay ng mga De Francia. Naroon sila sa bahay ng mga ito para bumisita.
Pagkatapos nilang nagsimba ni Light ay dumiretso na sila sa bahay ng huli para bisitahin ang mga magulang nito. Katulad nila ay excited din ang mga magulang ni Light, lalo na si Mama Lourdes dahil nag-iisang anak lang si Light.
Naramdaman niyang hinawakan ni Light ang kamay niya na nakapatong sa ibabaw ng hita niya. Naramdaman niyang marahan nitong pinisil iyon. “Were still working pa, `Ma,” nakangiting sagot ni Light sa Mama Lourdes nito. At kahit hindi naman tumingin sa salamin si Georgette ay alam niyang kasimpula na
