"Gorgie--
Naiwan sa ere ang iba pang sasabihin ni Light ng pagkahinto niya ng kotse sa harap ng bahay nila ay biglang binuksan ni Georgette ang pinto ng passenger seat at walang pasabing lumabas na ito do'n. Hindi man lang siya nito hinintay na pagbuksan niya ito ng pinto.
Napaigtad pa siya ng isara nito nang malakas ang pinto ng kotse. Nasundan na lang niya ang nakatalikod na pigura nito habang naglalakad ito papasok sa bahay nila.
Napansin na ni Light ang pagiging tahimik ng asawa noong nasa restaurant pa sila kasama si Grizel. Noong napansin nga niya iyon ay tinanong pa niya ito kung okay lang ito pero 'oo' lang ang sagot nito at babalik na naman sa pananahimik. At mukhang ang lalim din ng iniisip nito. Kaya nga nag-desisyon siyang umuwi na lang para kausapin ito sa kakaibang kini
