"Ano ng mangyayari sa akin, Sam?"
Tumigil siya sa pag-lalagay ng mga gamit niya sa malaking bag at tumingin sa akin.
"Magpapakalayo tayo. Pupunta tayo sa mga Magulang ko na nasa Metro. Doon tayo titira."
Napayuko na lamang ako at naupo sa kama sa likod ko. Hindi ko mapigilan ang pagtulo ng luha ko nang maalala si Paulyn. Isang araw matapos ang insidente sa lugar na kinalakihan ko.
Naramdaman ko ang paglapit ni Sam at ang paghawak niya sa pisngi ko para magsalubong ang aming mga mata.
"Magiging okay din ang lahat, Sapphi." Aniya at banayad akong hinalikan sa noo.
"Pero, paano kung hindi? Paano kung hanapin nila tayo? Ikaw na ang nagsabi na hindi sila basta-basta lamang." Mahina kong sambit at muling napayuko.
"Maniwala ka lang. Magiging maayos din ang lahat
