KUNG mayroon mang nagbago kay Vincent matapos ng insidente. Iyon ay ang katotohanan na mas naramdaman ni Isla ang mas higit pang pagmamahal at pagrespeto sa kanya ng binata. At labis iyong ipinagpapasalamat ng dalaga.
Although, may mga pagkakataon talaga na marahil ay nakakalimutan ng kanyang nobyo na hindi ito maaaring maging sweet sa kanya sa publiko.
“Isla,” si April iyon.
Nasa library sila noon kasama ni Renz at nagpapalipas ng oras. Katulad niya ay nagbabasa rin ang dalawa. Maaga silang na-dismissed gawa ng kadahilanan na absent ang huling professor nila para sa araw na iyon.
“Bakit?” tanong niyang nag-angat ng ulo saka sinalubong ang mga titig ng kanyang kaibigan.
“Tingnan mo, si Vincent oh,” sagot ni April na nakatitig sa kanya.
Nakatalikod kasi ang okupado niyang silya sa pin
