Is It Still Love When It's Faded

Chapter 20

Matapos matanggap ang balitang naaksidente si Dark, ay tinawagan na rin ni Manang Belen ang mga magulang ni Dark. Mabilis nagpabook ng flight ang mga ito pabalik ng Pilipinas.

Nang magkamalay si Samantha, ay mabilis silang nagpunta sa ospital kung saan dinala si Dark. Kasama niya si Manang Belen at Leah. Nadatnan naman nila sa labas ng operating room si Hazel at ang manager ni Jeana na si Alexis, na ipinakilala naman sakanya.

Dahil sa pagtataka kung anong meron, bakit magkasama ang dalawa, ay ipinaliwanag ni Hazel ang lahat sakanya. Mula sa pagkakakilala ni Dark at Jeana hanggang sa mga oras na iyon.

Hindi maipagkakaila na nagselos siya kay Jeana, kahit hindi pa niya alam ang kalagayan nito at ng asawa sa loob ng operating room.

Iniisip ni Samantha paano kung, bumalik ang pagmamahal nito kay Jeana, lalo na at isa pala itong sikat na modelo, samantalang siya ay isang simple lang na babae, na hindi nakatapos ng pag-aaral.

Ilang oras pa ang kanilang hinintay ng magbukas ang pintuan ng operating room. Sinabi ng doktor na ok naman si Jeana, nagkaroon lang ito ng maliit na fracture sa braso, dahil sa pagtama sa bakal, at ilang gasgas, sa katawan. Masasabi ding ligtas na ito sa panganib. Ang mga sugat naman na maaaring mag peklat ay maaaring mawala sa pamamagitan ng paglalagay ng ointment. Sinabi din ng doktor na maaari na itong ilipat sa isang pribadong silid.

Nang makaalis ang doktor na nakausap ng manager ni Jeana ay lumabas namang mula ang isang doktor, ang doktor na tumingin kay Dark. Malungkot ang mukha nito, mababakas ang pagod kaya, kinabahan si Samantha.

"Doc, kumusta po ang asawa ko?" Naiiyak na tanong ni Samantha sa kalalabas lang na doktor.

"He's safe for now, madaming dugo ang nawala sakanya, mabuti na lang at meron kaming available dito sa ospital kaya mabilis siyang nasalinan. Masyadong napuruhan ang ulo ng pasyente, kailangan niyang magkamalay within 24 hours, kung hindi we declare him comatose."

Iyon lamang ang sinabi ng doktor at nagpasya na itong umalis. Si Dark naman ay inilipat muna sa ICU (Intensive Care Unit) para mamonitor ng maayos ang kalagayan nito.

Madaling araw na ng dumating ang mga magulang ni Dark. Pagkababa pa lang ng airport ay diretso na ang mga ito sa ospital, sinundo naman sila ni Mang Lucio, si Manang Belen naman at si Leah, ay pinauwi muna ng mga magulang ni Dark para makapagpahinga. Si Hazel naman ay bumalik sa resorts, para makapagpahinga at makapag-isip ng dapat muna nilang gawin, para sa mauudlot na pictorial para sa endorsement ng resorts.

Nakilala naman ni Samantha ang mga magulang ni Dark, kahit unang beses pa lang ng kanilang pagkikita ay masasabing tanggap talaga siya sa pamilya ng mga ito.

Kinabukasan ay naging maganda ang response ng katawan ni Dark kaya inilipat na rin nila ito sa isang private room. Si Jeana naman ay masasabi nilang ok na, pero pinag stay pa rin sa ospital kahit mga ilang araw pa. Lalo na at kailangang alagaan ang kutis nito lalo na at isa itong modelo.

Ang kanila namang nakabanggan ay nasampahan na ng kaso, at nahuli naman ng pulis ng magtangka itong tumakas, na ngayon naman ay nakakulong na.

Magtatanghali na ng umalis muna ang mga magulang ni Dark para magpahinga sa resorts, dahil mas malapit doon ang ospital, si Samantha naman ay naiwan kasama si Hazel, dahil dumating ang huli, bago umalis ang mga magulang ni Dark.

Gusto mang umidlip ni Samantha, pero hindi siya dalawin ng antok, lalo na at hindi pa rin nagkakamalay si Dark. Sabi naman ng doktor ay maayos na ang kalagayan nito, pero hanggang ngayon hindi pa rin ito nagkakamalay.

"Pahinga ka muna Sam. Matulog ka muna sa resorts, alam na naman nila ang gagawin nila pag dumating ka." Nakita naman ni Hazel ang pag-iling niya, kaya napabuntong hininga na lang ito.

"Ayaw ko Hazel, gusto ko paggising niya ako ang una niyang makita. Natatakot ako Hazel, bakit hanggang ngayon hindi pa rin siya nagigising."

Niyakap na lang ni Hazel si Samantha ng bigla na lang itong umiyak, alam niya ang nararamdaman nito, dahil kahit siya na isang kaibigan ay nag-aalala sa kalagayan ni Dark.

Hapon na ng bumalik ng ang mga magulang ni Dark, kahit papano ay nakapagpahinga ang mga ito ng maayos sa hotel ng resorts.

Dumating din si Leah, dala ang ilang gamit ni Samantha at Dark na ihinanda ni Manang Belen.

Ilang oras pa ang nakakalipas, matapos mag-round ang doktor ni Dark ay pumasok si Jeana. Alam nilang nahihiya ito, sa magulang ni Dark dahil, ito ang huling kasama ni Dark noong naaksidente sila.

Nakatingin lamang si Samantha sa dalaga, mapapansin ang benda nito sa braso dulot ng fracture na natamo nito, pero hindi iyon makakabawas sa ganda nito. Kung titingnan ay malayong-malayo siya kumpara kay Jeana, pero kahit nagseselos siya hindi niya iyon pinahalata at tahimik lang siyang nakikinig sa mga ito

Humingi ito ng paumanhin sa nangyari, pero labis na mabait ang kanyang mga in-laws kaya kahit papano, sino siya para magalit dito.

Habang nag-uusap usap sila ay napansin nila ang paggalaw ng daliri ni Dark, bigla namang lumapit si Samantha para hawakan ang kamay nito. Habang si Jeana ay nakaupo katabi ang manager nito at si Hazel. Ang mga magulang naman ni Dark ay lumapit din dito.

Ilang sandali pa at nagawa na ngang magmulat ng mga mata ni Dark, hindi mapigilan ni Samantha ang mapaluha dahil sa paggising nito.

Nagpalinga linga naman ng tingin ni Dark bago natuon ang tingin sa mga magulang nito.

"M-mommy, d-daddy?" nakangiting sambit ni Dark, ng makita ang kanyang mga magulang. Lumapit naman ang mga ito, ng tawagin ni Dark.

"Relax ka lang Wyatt, tatawag lang ako ng doktor." Sambit naman ng kanyang ama at mabilis na lumabas ng kwarto.

Nabitawan naman ni Samantha ang kamay ni Dark ng kunin nito sa pagkakahawak sa kamay niya, at itinaas sa kanyang ina, para hawakan ang kamay nito.

"Mommy, i miss you." Sambit ni Dark sa kanyang ina, na ikinaluha nito.

"I miss you too son. Pagaling ka na ha." Sambit naman ng kanyang ina habang hawak pa rin ang kamay ni Dark at inihahaplos sa sarili nitong pisngi.

Pumasok na rin ang doktor, at sinuri ang kalagayan ni Dark, masasabing wala na itong problema lalo na at nagising na ito. Malayo na rin ito sa panganib. Kailangan lang talagang magtagal pa ni Dark sa ospitan ng kahit mga isang linggo, para mamonitor ang kalagayan nito. Matapos ang ilang paalala ay lumabas na rin ang doktor.

Natahimik lang si Samantha sa tabi ng kama ni Dark. Dahil busy pa itong kinukumusta ng mga magulang, kaya hindi na rin siya nagsalita.

Lumapit din si Hazel, kay Dark.

"Ok ka na ba? Magpagaling ka na ha, need na nating magtrabaho, madaming matatambak pag hindi ka pa gumaling." Biro pa ni Hazel dito.

"Opo Manang Haze, ako pa syempre, magpapagaling ako kaagad." Sagot naman niya dito, at inirapan naman siya ni Hazel dahil sa pagtawag niya dito ng manang, naikinatawa niya. Nang biglang napansin ni Dark si Samantha.

"Si." Hindi natuloy ang sasabihin ni Dark ng mapadako ang tingin niya kay Jeana. Na napansin nilang lahat na ikinangiti nito. Nawala naman ang ngiti ni Samantha sa inasal ni Dark.

"Sweetie, come here. Mabuti naman at ok ka lang, sobra akong nag-alala sayo." Malambing na sambit ni Dark kay Jeana na ikinatigil ng ibang nasa loob ng kwarto. Naguguluhan man, at nahihiya kay Samantha ay lumapit siya kay Dark.

Pagkalapit ni Jeana kay Dark ay hinawakan agad ni Dark ang kamay nito, at iginaya para mayakap.

"I miss you, sweetie mabuti naman at ok ka lang. Wala bang masakit sayo? Na check ka ba ng maayos ng doktor? Sorry kasi hindi ko napansin ang kasalubong nating sasakyan sa bilis ng pangyayari ay nasaktan ka." Malambing na sambit ni Dark kay Jeana, na halos ikatulos naman ni Samantha sa kinatatayuan niya.

"Ok lang ako Dark, dinalaw lang kita pero need ko na ring magpahinga, babalik na lang ako bukas. Sa kabilang kwarto lang ang room ko." Paalam ni Jeana, na ikinayuko na lang niya sa ilang mga kasama sa kwarto at tuluyan ng lumabas.

Pagkalabas ni Jeana ay napadako na ang tingin niya kay Samantha na kanina pang nasa tabi ng kama na hinihigaan niya.

"B-ba-babe." Garalgal ang boses na sambit ni Samantha, na pansin niyang ikinakunot ng noo ni Dark.

"Who are you?" Mariing tanong ni Dark, na parang binuhusan ng malamig na tubig si Samantha sa tanong nito sakanya.