Willton's Academy

CHAPTER FIFTY ONE

Mikaella's P.O.V.

Naalimpungatan ako nang may marinig akong ingay. Kinusot ko ang mata ko at nakitang nasa kwarto ako ngayon. Agad naman akong napaupo nang maalala na lalabas nga pala kami ni Kross ngayon.

Mabilis kong kinuha ang phone ko at nakitang alas tres na ng hapon. Tinignan ko kung may message na ito sa akin pero wala parin. Nasaan na kaya s'ya?

Napalingon ako sa pintuan ko nang may marinig akong ingay sa labas. Napakunot ang noo ko dahil ako lang naman ang tao dito ngayon sa bahay. Mamaya pa ang uwi ni Kuya Mike.

Nakarinig ako ng pagbukas ng pinto sa tapat ng kwarto ko. Storage room iyon at sa tabi ng room na iyon ang kwarto ni kuya. Tumayo ako at kinuha ang phone ko.

Napatingin ako sa bintana ko nang makarinig ako ng ingay don. Nakita ko ang dalawang ibon na nasa labas ng bintana at mukhang naghahabulan lang ang mga ito kaya naman binalik ko ang tingin sa pintuan ko at naglakad papunta dito.

Huminga ako nang malalim nang nasa tapat na ako nito. Tinapat ko ang tainga ko sa pintuan at pinakinggan ang ingay sa labas. Napakunot ang noo ko nang makarinig ako ng foot steps pababa hanggang sa mawala na ito ng tuluyan.

Napalunok ako at nagsimula na namang tumibok ng mabilis ang puso ko. Agad kong kinuha ang flower vase sa gilid ng kama ko at nagtungo sa pinto. Hinawakan ko ang door knob at dahan-dahan itong pinihit.

Marahan ko ring binuksan ang pinto para hindi ito makagawa ng ingay. Nang mabuksan ko na ito ay napakagat ako sa labi at napadiin ang pagkakahawak ko sa vase.

Lumabas ako ng kwarto at ginala ang paningin rito sa itaas. Nakita ko ang pinto ng storage room na nakaawang. Tinignan ko rin ang kwarto ni kuya at sarado naman ito.

Maingat akong naglakad papunta sa tapat storage room. Sinilip ko rin ang hagdan pababa at wala akong nakita na kung sino doon. Pumasok ako sa storage room at binuksan ang ilaw.

Madilim rito dahil puro mga lumang gamit namin ni kuya ang nandidito at natatakpan ng mga ito ang bintana. Ginala ko ang paningin at tinignan kung may nawawala ba dito pero mukha namang hindi ito nagalaw.

Mabilis kong kinuha ang phone ko sa bulsa ng short ko at nagpunta sa number ni Kuya. Hindi maganda ang pakiramdam ko. May kasama ako dito sa bahay at hindi ko alam kung sino iyon. Nang tatawagan ko na si kuya ay napasigaw ako nang maramdamang may humawak sa balikat ko. Nabitawan ko ang phone ko at madiin na napapikit.

"Mika?"

Napakunot ang noo ko at agad akong lumingon sa nagsalita. Nakita ko si Kross na nagtataka ang mukha.

"Kross?" Tanong ko rito.

"Bakit mukhang takot na takot ka?" Tanong nito sa akin.

"Ah," agad kong kinuha ang phone ko sa sahig.

Nakita kong tinatawagan ko na ang phone ni kuya kaya naman agad ko itong pinatay. Mukhang napindot ko ito nang magulat ako at nang mabitawan ko.

"Pano ka nakapasok dito sa loob?" Tanong ko sa kan'ya.

"Ah, yun ba?" Nilabas nito ang susi sa bulsa ng trousers n'ya at ngumiti. "Pinahiram sa akin kanina ni Kuya Mike tong susi."

Nakahinga naman ako ng maluwag at nawala ang kaba at takot na nararamdaman ko kanina.

"Bakit pala mukhang takot na takot ka kanina?" Tanong nito.

Napangiwi ako at tinignan s'ya. "Wala 'yon," sabi ko rito at naglakad papunta sa switch ng ilaw dito sa storage room. "Labas na tayo dito."

"Okay." Tumango ito at pagkapatay ko ng ilaw ay lumabas na kami at sinara ko ang pinto rito.

Bumaba na ako at narinig ko naman ang mga yapak n'ya na nakasunod sa akin.

"Gusto mo ba ng juice? Or water?" Tanong ko sa kan'ya.

"Nah, I'm good," sagot nito at huminto sa harap ko. "So, saan mo gusto pumunta?" Nakangiti nitong tanong sa akin.

"I don't know," mahina kong sagot rito at napayuko.

"It's fine, let's go," sabi nito at hinawakan ako sa kamay tapos ay hinila na papalabas ng bahay.

Nakita kong ni-lock n'ya ang pinto at nagtungo na kami sa kotse n'ya. Ang tagal na rin ng huling sakay ko dito. Dati ay lagi s'ya ang kasama ko pumasok sa school kaya halos araw-araw ako nakaksakay dito.

Pagkasakay namin sa kotse n'ya ay pinaandar na n'ya ito. Ginala ko ang paningin ko dito sa loob at napangiti ako nang makitang tulad parin ito ng dati. Naka-display parin ang pictures namin dito at nandidito rin ang mga maliliit na bears na nakuha namin sa arcade.

"Why are you smiling?" Tanong n'ya sa akin kaya naman agad akong sumimangot.

"I'm not smiling," depensa ko sa sarili ko.

"You smiled but okay. I'll pretend that I didn't saw it," sabi nito kaya sinamaan ko s'ya nang tingin at narinig ko na lang na tumawa s'ya.

"Anyways, may mga friends kana ba sa new school mo?" Tanong nito sa akin habang nagda-drive s'ya.

"Sinong may gustong makipag-friends sa akin?" Tanong ko sa kan'ya.

"Of course, marami," sagot n'ya. "Mikaella Evergreen is kind, smart and pretty."

"Stop lying, Kross," sabi ko dito pero tinignan lang ako nito nang parang nang-aasar at tumatawa kaya naman malakas ko itong hinampas sa balikat.

Alam n'yang ayaw kong marinig na sinasabihan ng mga ganon dahil naa-awkwardan ako.

Napasigaw ito kaya naman natawa ako ng mahina. "Hey!" Saway nito sa akin. "I'm driving. Sige ka, pagna-aksidente tayo nito hindi na tayo magkikita ulit."

Napakunot ang noo ko at tinignan s'ya. "And why?"

"Kasi sa heaven ako mapupunta and you," sabi nito at tinuro ako gamit ang nguso. "You're going to hell."

Umirap ako sa kan'ya at narinig kong natawa na lang ito. Napatingin ako sa phone ko at nakita kong may text sa akin si kuya. Tinatanong n'ya kung bakit ako tumawag at nag-reply na lang ako dito na napindot ko lang at kasama ko ngayon si Kross, kaya baka mas mauna s'yang umuwi kaysa sa akin.

Pagkabalik ko ng phone sa bulsa ng short ko ay napatingin ako sa bintana. Napakunot ang noo ko nang makita si Liam at Kael na magkasama. Kinakausap s'ya ni Kael at tumatawa ito habang deretso lang ang tingin ni Liam at walang emosyon ang mukha nito.

Nakasuot s'ya ng puting t-shirt at marami itong bagong sugat sa katawan. Napaaway na naman ba s'ya? Ano na naman kayang nangyari sa kan'ya? Hindi ko rin alam na magkaibigan pala si Liam at Kael.

"Kilala mo sila?" Tanong ni Kross sa akin at tinignan din sila Liam.

Agad akong umiling. "No."