Willton's Academy

CHAPTER FIFTY EIGHT

Mikaella's POV

"Cara-" magsasalita sana ako para tawagin si Cara pero biglang tinakpan ng lalaking nakahawak sa braso ko ang bibig ko at hinila nila akong dalawa papalayo.

May iilang nakapansin sa akin pero walang ni isa ang tumulong sa akin. Nakatingin ako kay Cara at umaasang makikita n'ya ako pero nakatingin ito sa kabilang direksyon at hinihintay si Kael.

Pilit akong kumakawala sa kanila pero masyado silang malakas. Matatangkad ang mga ito at malalaki pa ang katawan. Wala akong laban sa mga ito.

Huminto kami sa isang maliit na street at pinasok nila ako dito. Napadapa ako sa sahig nang malakas akong tinulak. Agad akong napangiwi nang makaramdam ng sakit sa magkabilang tuhod ko.

Napatingin ako dito at nakitang may gasgas at dugo ito. Naramdaman kong naglakad ang isang lalaki papunta sa harap ko at lumuhod para makaharap ako habang ang isa naman ay nasa likuran ko. Pinagmasdan ko ang itsura ng lalaking ito.

Light brown ang buhok nito na mahaba at may sigarilyo ito sa bibig. May mga bakas ng sugat ito sa mukha at may tattoo ito na maliit na itim na shark sa gilid ng leeg. Napaubo ako nang ibuga nito ang usok sa aking mukha.

Tinignan ko ito ng masama at nakita kong ngumiti lang ito habang ang isang lalaki sa likuran ko ay tumatawa. Inayos ko ang sarili ko at pinilit na tumayo kahit na nanginginig ang aking mga tuhod gawa ng takot.

"What is your relationship with Liam Conner?" Tanong nitong may sigarilyo sa akin.

Napasandal ako sa pader dahil pakiramdam ko ay matutumba ako sa kaba. Ginala ko ang paningin ko at nakitang nasa gitna o loob kami ng isang maliit na street kaya hindi kami pansinin dito. Mga nagtataasang building din ang magkabilang pader.

"Answer, Miss," madiin na sabi nito kaya naman napalunok ako at binalik ang tingin sa kan'ya.

"I don't know him. He's not my friend," agad kong sagot dito.

Nagtawanan sila ng kasama n'ya. Napatingin ako doon sa isa at nakitang itim ang buhok nito na medyo magulo. May hikaw ito sa ilalim ng ilong at tulad ng kasama n'ya na na isa ay may tattoo na shark rin ito sa gilid ng leeg.

"You can't fool us," sabi nila sa akin. "Walang tumutulong kay Liam kahit isang beses tuwing binubugbug namin s'ya. Alam naming wala s'yang kaibigan until dumating ka and you helped him." Naging seryoso ang boses nito.

Nakaramdam ako ng awa para kay Liam. Nasabi n'ya sa akin na Shark loan ang mga ito. Ibigsabihin ay may utang s'ya sa mga ito? Pero bakit? Bakit s'ya umutang at saan n'ya 'yon ginamit? Gano kalaki ang utang n'ya at handang pumatay ang mga ito?

Bakit hinahayaan n'ya lang na ganituhin s'ya?

"I'm telling you the truth," madiin kong sabi dito. "Liam Conner is just my schoolmate."

"School mate? Really?" Tanong ng light brown ang buhok habang nakangiti at pumapalakpak.

Napansin kong nakatingin silang dalawa sa dulo papalabas dito sa street kaya naman mabilis kong pinunta ang tingin ko doon at natigilan nang makita si Liam. Nakita ko ang matangkad nitong katawan at pulang buhok. Nakasuot pa s'ya ng school uniform at huminto na ito sa paglalakad nang makapunta ito sa tapat ko.

"Look who's here," nakangiting sabi ng dalawang lalaki.

"Anong ginawa nila sa'yo?" Tanong ni Liam habang seryoso ang tingin sa'kin.

Umiling ako at sasabihing wala pero agad s'yang napatingin sa tuhod ko. Nakita kong napakunot ang noo nito. Hinawakan n'ya ako sa braso at hihilahin sana para papalayo sa mga lalaking ito pero agad na hinawakan ng isa sa kanila ang forearm ni Liam.

Napatingin ako doon at nakita kong mahigpit ang pagkakahawak n'ya kay Liam. Kahit hindi ito sa akin nakahawak ay ramdam ko ang mahigpit at masakit nitong pagkakahawak.

"Don't touch me," madiin na utos ni Liam sa lalaki habang nakayuko.

"This girl told us that you're not her friend. She's none of your business, Liam Conner. Sa amin s'ya ngayon and we will do anything we want to her," sabi ng light brown ang buhok at seryosong nakatingin kay Liam.

"She's not your friend either," mahinang sabi ni Liam at malakas na sinuntok ang mukha ng lalaki dahilan para mapabitaw ito sa kan'ya at mapahiga sa sahig.

"Talagang lalaban kapa ah!" Sigaw ng isa at nang makitang may hawak itong itong bakal ay napahawak ako ng mahigpit sa braso ni Liam.

Agad na hinarang ni Liam ang kabilang braso n'ya sa bakal at narinig ko ang malakas na pagtama nito doon. Wala akong narinig na kahit anong daing sa kan'ya. Nang hahampasin ulit s'ya ng lalaki ay this time sinalo n'ya ang bakal at tinapon iyon papalayo sa amin.

Sinipa n'ya ng malakas ang lalaki sa tyan at napahiga ito sa sahig habang namimilipit. "Yes, she's not my friend but it doesn't mean na p'wede n'yo s'yang guluhin!" Galit na sigaw ni Liam.

"Liam!" Sigaw ko sa kan'ya nang makitang nakatayo na ang lalaking sinuntok n'ya kanina sa mukha at hawak-hawak nito ang bakal na hinagis n'ya.

Napatigil kaming lahat nang makarinig kami ng tunog ng bumbilya ng mga police. Agad kaming napatingin sa papasok ng street na ito at nakitang may kotse ng police ang nagpark malapit doon at papalabas na ang mga iyon. May mga nanonood na tao rin sa amin at sigurado akong sila ang tumawag sa mga police.

"Sht," mahinang sabi ni Liam.

Nang tatakbo ang lalaking may hawak ng bakal ay pinatid ito ni Liam at nauntog ang mukha nito sa matigas na sahig. Napatingin kami sa isa pang lalaking sinipa n'ya at namimilipit parin iyon sa sakit.

"We need to run, Mikaella," bulong sa akin ni Liam.

"Why?" Naguguluhan kong tanong.

"Ayokong madamay ka sa gulo ko," sabi nito at agad akong hinawakan sa kamay tapos ay mabilis na tumakbo.

Nakarinig kami ng sipol ng mga police. "Tumigil kayo!" Sigaw ng mga ito habang papasok na sa street.

"Ano ka turtle? Ang bagal mo tumakbo!" Reklamo ni Liam sa akin kaya mas nilakasan pa n'ya ang paghatak sa akin.

Hindi ako sumagot at tinignan lang ito ng masama. Nang makitang bakod ang dulo nitong maliit na eskinita ay agad kaming napatigil at napatingin ako kay Liam.

"Now what?" Tanong ko dito. "Medyo mataas yung bakod," sabi ko at tinignan ito na mas mataas pa ng kaonti kay Liam.

Napalingon kami sa mga police nang marinig na sumipol ang mga iyon. Nahuli nila ang dalawang lalaki at ngayon ay papunta ang iba sa kanila sa amin ngayon ni Liam.

"Liam!" Sigaw ko nang magulat ako dahil binuhat ako nito.

"Humawak ka sa bakod! Bilis!" Nagmamadali nitong sabi.

Hindi na ako sumagot pa at nagsayang ng oras. Mabilis akong kumapit sa bakod at pilit na umakyat dito. Nang makatungtong ako ay binaba ko ang kamay ko kay Liam.

Napatingin ako sa mukha nito at nakita ang mga sugat sa mukha nito at isang band aid sa kaliwang pisnge.

"Ano pang hinihintay mo?" Nagpa-panic kong tanong dito dahil malapit na sa amin ang mga police.

"Go," sabi nito sa akin at humakbang paatras.

Napakunot ang noo ko dahil sa inakto nito. Nang makitang ilang hakbang na lang ang mga police ay napangiwi ako at tumalon na sa kabilang bakod. Napahawak ako sa pader para hindi ako sumubsob dito.

"Nasaan ang kasama mo?!" Rinig kong tanong ng mga police.

Agad na akong tumayo at mabilis na tumakbo.