Willton's Academy

CHAPTER SIXTY FIVE

Mikaella's P.O.V.

Saturday na at nakaupo ako ngayon sa couch habang nakatulala sa television. Nakaalis na si kuya kaninang madaling araw. Halos kalahating oras n'ya ako binilinan dito sa bahay at sa sarili ko.

Napabuntong hininga ako at pinatay na lang ang television dahil hindi naman ako nanonood talaga. Binuksan ko lang ito para magkaroon ng ingay dito sa bahay. Tumayo ako at dumiretso sa kusina para magluto ng kakain ngayong lunch.

Nang makitang puro frozen ang meats at sea foods sa freezer ay sinara ko na lang ito. Gutom na ako at tinatamad na rin ako maluto. Kumuha na lang ako ng canned na ulam at ito ang kinain.

Matapos kong kumain ay naligo na rin ako. Tinignan ko ang oras at nakitang 3 P.M. na pala. Kinuha ko ang mga libro ko sa general math at sinubukang aralin ito pero hindi ako maka-focus. Dinala ko ito papunta sa balcony.

Umupo ako at nag-aral ulit. Nakaka-relax at calming dito. Hindi gaano malakas ang hangin pero malamig at presko ito kaya tamang tama lang rin.

Mike Anderson's P.O.V.

"Nandito na tayoo!" masaya at malakas na sigaw ng mga co-workers ko.

Huminto na ang itim na van na sinasakyan namin at lumabas na kami isa-isa rito. Pagkalabas ko ay tinulungan ko si Shiela sa isang bag na dala n'ya. Hindi s'ya tumingin sa akin o pinansin ako pero hinayaan n'ya lang na tulungan ko s'ya. Nang makalabas na s'ya ay agad n'ya rin namang binawi ang bag n'ya at kinausap sila Tricia.

Napabuntong hininga na lang ako dahil sa inaantko nito. Alam kong masama ang loob n'ya noong isang gabi na nataasan ko s'ya ng boses. Hindi na dapat ako sasama pero dahil alam kong masama ang loob n'ya sa akin ay sumama na lang ako. Tama rin naman s'ya. Dapat kon i-enjoy ang buhay ko at alam ko namang kaya ni Mika ang sarili n'ya as long as lalayo ito sa gulo.

Napatingin na lang ako sa private resort pool na ni-rent ng team leader namin. Hanggang 2nd floor ito. Kulay puti ang pader nito at may mga malalaking bintana na gawa sa glass ito. Malawak ang paligid. May mga d**o, maraming halaman at may mga puno rin.

Napatingin ako sa suot kong orasan at nakitang 1 p.m. na. Ano na kayang ginagawa ni Mika? 5:30 kami umalis at bago ako umalis sa bahay ay pinuntahan ko pa si Mika para pagbilinan s'ya sa bahay at sa sarili n'ya. Antok na antok pa s'ya non at hindi ko nga alam kung nakikinig ba ang isang iyon.

"Hey," tawag sa akin ni James at lumapit sa'kin.

"Yo," bati ko rito at inayos ang pagkakasuot ng bag pack ko.

"Himala magkalayo kayo ngayon ni Shiela," sabi nito habang nakapatong ang siko sa balikat ko at tinignan si Shiela. "May Lover's Quarrel ba kayo?" tanong n'ya.

Agad naman akong umiling dito pero tumawa lang ito na parang nang-aasar.

"Guys!" pumalakpak si Ms. Danica kaya naman lahat kami ay napunta ang tingin sa kan'ya. "let's go inside na. Dalawa lang yung rooms na available at seperate ang boys sa girls, okay?"

Umayos na ng tayo si James. "Grabe naman yun, Danica. Minsan na nga lang tayo lahat matutulog na magkakasama," sabi nito at nag-second voice naman sa kan'ya sina Polo at Kenz.

"Loko talaga kayo." Napa-irap na lang si Mary at nagtawanan ang lahat.

"Anyways, let's go inside. Ayusin n'yo na yung mga gamit n'yo para makaluto na rin tayo ng late lunch natin at makakain," utos ni Ms Danica at nauna itong maglakad.

Agad naman kaming lahat sumunod sa kan'ya kasama na ang driver namin ngayon. Ni-rent lang namin ang van at kasama na rin ang driver. Mukhang ako lang ang hasa mag-drive sa amin nila James kaya okay na rin na may driver dahil malayo rin pala ang resort na ito. Siguradong mapapagod at aantukin lang ako pag ako ang nag-drive.

Pagkapasok namin sa loob ay agad kong ginala ang paningin rito. Sobrang lawak dito. Malalaki ang mga space. May malaking couch at TV sa living area. Sumunod naman dito ang hagdan paakyat sa dalawang kwarto.

Nang makaakyat na kami ay bumunga agad sa amin ang tatlong pinto. Binuksan ni James ang isang pinto at nagpasukan sila Polo rito. Napatingin naman ako kay Shiela na papasok sa isang kwarto kasama sila Ms. Danica.

Nang makitang patingin s'ya sa akin ay agad akong nag-iwas ng tingin at mabilis na pumasok sa loob ng kwarto. Nakita ko ang apat na double deck. May aircon din dito at malaking glass window na natatakpan ng puting kurtina.

AGad namang nagpuntahan na sila James sa mga napili nilang kama at nilapag nila doon ang mga bag nila. Nakita ko ang double deck sa dulo na bakante. Dalawa pa ang available na kama dito. Pito lang kasi kaming lalaki at apat ang double deck meaning may walong kama rito. Walo naman ang bilang ng mga babae sa amin at sigurado akong sakto ang kama sa kanila.

Naglakad na ako papunta sa double deck sa dulo at nilapag ang bag sa ilalim na kama. Hindi ako sanay matulog sa mga matataas na kama kaya dito ko na lang napili na puwesto.

"Handa na ba kayo?" rinig kong tanong ni James kila Polo.

Napatingin ako sa kanila at nakita kong nakangiti ang mga ito. "Sana naka-swimsuit silang lahat na babae," sabi pa ni Polo at nagtawanan sila tapos ay nagtapikan ng balikat.

Napabuntong hininga na lang ako at kinuha ang phone sa bag para ilagay sa bulsa ng pants ko. Hindi naman maiiwasan na ganito ang topic ng mga lalaki. May mga naging kaibigan na rin ako na katulad nila.

"Mike!" tawag sa akin ni Kenz kaya napatingin silang lahat sa akin.

"Ano 'yun?" tanong ko at naglakad na papalapit sa kanila dahil tapos ko na rin ayusin ang gamit ko.

"Excited kana ba makita si Shiela mamaya na naka-swimsuit?" nakangising tanong nito sa akin.

Agad na napakunot ang noo ko nang banggitin n'ya ang pangalan ni SHiela. Hindi ko alam kung bakit pero nakaramdaman ako ng inis.

"Tutulong na ako sa baba magluto ng lunch," sabi ko sa kanila at mabilis na nagtungo sa pintuan para lumabas.

Pagkasara ko ng pinto ay saktong bumukas ang pinto sa kabilang side kaya napatingin ako doon. Nakita ko si Shiela na kakalabas lang rin sa kwarto nilang mga babae. Agad s'yang nag-iwas ng tingin at naglakad na lang papunta sa hagdan.

Nang madaanan n'ya ako ay agad ko s'yang hinawakan sa braso. Napatigil s'ya at napatingin sa akin. Hindi s'ya nagsalita at umimik kaya pakiramdam ko ay ayaw ako nito makausap. Binitawan ko na lang s'ya at napayuko.

"Sorry," mahina kong sabi sa kan'ya at nauna nang maglakad para bumaba.

Nang hahakbang na ako pababa ay natigilan ako nang maramdamang may humawak sa braso ko. Napalingon ako dito at nakita ko si Shiela. Seryoso lang ang mukha nito na nakatingin sa akin.

"Seriously?" tanong nito sa akin.

Napakunot naman ang noo ko dahil hindi ko alam kung ano ang tinutukoy nito.

"Hinihintay ko lang mag-sorry ka sa akin, Mika," sabi nito at ngumiti. Binitawan n'ya ang braso ko at nilahad ang kamay n'ya. "Bati na tayo, okay?"

Natawa naman ako nang mahina dahil sa sinabi n'ya. Para kaming bata. Agad ko namang tinanggap ang kamay n'ya.

"Okay, Ms. Shiela Hanz," sabi ko rito habang nakangiti.

Tumawa s'ya tapos ay inakbayan ako. "Let's go, gutom na ako. Ano kaya masarap lutuin?" tanong n'ya habang pababa na kami.

"Nice, nandito na kayong dalawa," sabi ni Ms. Danica nang makababa kami.

Sa kabilang side ng hagdan ang kitchen at sa gilid nito ang dining area. Sobrang linis at maganda rin ang style ng kitchen. May halaman pa rito kaya naman ma-presko dito.

"Yes po, Danica," sabi ni Shiela at inalis na ang pagkakaakbay sa akin tapos ay lumapit na kami rito.

"Balak kong magluto ng shrimp sinigang, spicy pork fried tsaka chopsuey," sabi ni Ms. Danica habang nilalabas sa ref ang mga gagamiting ingredients.

"Wow. Tulungan kana namin," sabi ni Shiela.

×××

6 p.m. na at palubog na ang araw. Nakatulog ako pagtapos kumain dahil kulang ang tulog ko kagabi. Agad akong bumangon at nakitang wala na sila James dito. Madilim na rin dito sa kwarto kaya naman tumayo ako para buksan ang ilaw. Binabaan ko rin ang aircon dahil masyado nang malamig at pakiramdam ko ay nasa freezer ako.

Nakarinig ako ng sigawan sa labas kaya naman nagtungo ako sa malaking glass window. Hinawi ko ang puting kurtina at nakita sila na nasa pool na. May mga bilog na ilaw ang nakapalibot sa mga halama at puno kaya maganda ang vibe rito.

Nakita ko si James na binuhat si Mary. Narinig ko ang malakas na tili ni Mary bago s'ya ihagis ni James sa pool. Napangiti ako nang makita ang reaksyon nito at ang natatawang mukha nilang lahat na nasa baba. Ginala ko ang paningin ko at napakunot nang makitang wala roon si Shiela. Napakunot ang noo ko dahil s'ya na lang ang kulang doon. Nasaan kaya s'ya?

Agad akong nakarinig ng katok sa pinto kaya napalingon ako doon. Mabilis akong nagpunta rito at binuksan ito. Nakita ko si Shiela na nakasuot ng itim na swim robe.

"Kanina pa kita hinahanap sa baba," sabi nito.

"Ah." Napakamot ako sa ulo at mabilis na nag-iwas ng tingin. "Napasobra yung tulog ko," sagot ko dito.

Napatingin ako sa kamay ko nang maramdamang hawakan ito ni Shiela. Naramdaman kong bumilis ang t***k ng puso ko kaya napatingin ako sa kan'ya. Seryoso lang ang mukha nito habang nakatingin sa akin.

"Mike," mahina n'yang tawag sa pangalan ko at humakbang papalapit sa akin.

Naramdaman ko ang hininga n'ya sa leeg ko nang sobrang lapit nito sa akin. Tumingin s'ya sa akin at pinatong ang kamay n'ya sa batok ko. Parang may nagtulakan sa aking hawakan ang baiwang n'ya dahil sa ginawa n'ya.

Tumingkayad ito at nang makitang isang inch na lang ang layo ng mukha namin ay napalunok ako. Nakatingin lang ako sa mga mata n'ya. Maganda ito at kulay itim.

"Shiela," mahina kong tawag sa pangalan n'ya at hinalikan ito.

Naramdaman kong gumalaw ang kamay nito sa batok ko. Malambot at malamig ang baiwang n'ya. Parang unan ito.

"Shiela!"

AGad kaming lumayo sa isa't isa nang marinig ang boses ni Lea sa baba.

"Ba-bakit?" tanon ni Shiela doon habang nakatingin kami sa hagdan.

"Tinawag mo na ba si Mike?" tanong ni Lea at narinig ko na ang yapak nito paakyat.

Agad naman akong tinignan ni Shiela at sinenyasan ako nito na pumasok sa loob kaya mabilis ko s'yang sinunod. Hindi ko nasara ng mabuti ang pinto dahil maririnig ito ni Lea.

"Ah, oo. Nagising ko na s'ya," rinig kong sabi ni SHiela kay Lea sa labas. "Actually, kakagising n'ya lang pala. Susunod daw s'ya."

"Ganon ba?" tanong ni Lea. "Nag-iihaw na kami ng liempo, barbecue at corn sa baba. Malapit na mag 7 p.m."

"Tara, tulungan ko na kayo. Bababa na rin naman na si Mike," sabi ni Shiela at sunod ko na lang narinig ay ang yapak nila pababa.

Nakahinga naman ako ng maluwag at nagtungo na lang sa bathroom para maligo saglit. Nagsuot ako ng brown na short at puting plain na shirt. Hindi ko na rin pinatuyo ang buhok ko dahil magsi-swimming at mababasa lang rin naman ako ulit.

Pagkababa ko ay wala sila dito sa loob. Mukhang sa labas o pool area sila nagluluto kaya naman agad akong nagtungo doon. Pagkalabas ko ay agad kong narinig ang sigaw nila James.

"Gising na si Sleeping handsome!" nagbibirong sabi ni James kaya naman napatingin ang lahat sa akin.

Nagtawanan ang iba sa kanila dahil sa sinabi ni James. Napatakip ako sa mukha ko nang talsikan nila ako ng tubig sa pool. Agad kong tinignan sila Polo ng masama.

"Tara na! kanina kapa hinihintay ng pool!" yaya nito sa akin.

Napatingin ako sa grill area sa gilid at nakita si Shiela kasama ang iba pang babae doon na nag-iihaw ng pagkain, Nakasuot na sila lahat ngayon ng pool robe kaya hindi ako gaano naiilang. Nang makitang mapatingin sa akin si SHiela ay nakangiti ito.

"Boo!"

Nagulat ako nang may tumulak sa akin at agad akong bumagsak sa pool. Parang nabingi ako at tanging tunog lang ng tubig o pag-agos nito ang naririnig ko. Napadilat ako at nakita ang madilim na ilalim ng pool.

"No! Dad!" umiiyak na sigaw ni Mika habang pinipigilan ko itong lumapit kay Dad na nakatayo sa gilid ng pool.

Tumunog ang malakas na pagtama ng baril sa bandang puso ni Dad. Napalingon s'ya sa amin ni Mika at nabasa ko ang bagbuka ng labi nito. "Go."

Kitang kita namin ni Mika kung paano s'ya malaglag sa pool at kumalat roon ang dugo n'ya. Nang mapatingin sa amin ang isang killer ay mabilis kong hinila si Mika papalayo.

Nang biglang mag-flashback sa akin ang pagbaril kay dad na natumba sa pool ay agad kong hinahon ang ulo ko. Hinahabol ko ang hininga ko nang marinig na nagtatawan silang lahat ngayon sa akin. Napapunta ako sa gilid at pinatong ang dalawang braso dito.

"Uy, ayos lang ba si Mike?"

"Anong nangyayari sa kan'ya?"

"Napapasobra na ata ang biro n'yo."

Parang nag-sstay sa utak ko ang mga naririnig kong sinasabi nila. Nakayuko lang ako at nakatingin sa pool. Naalala ko kung gano kadami at kung paano kumalat ang dugo ni dad sa pool.

"Mike!"

Agad akong napatingala at nakita si Shiela na nakaupo sa sahig at mukhang nag-aalala sa akin. Bigla akong nabalik sa sarili ko at napatigil na sa paghabol ng hininga.

"Are you okay?" tanong n'ya at tinulungan akong makaahon sa tubig.

"Okay lang ako," sabi ko dito.

Tumingin ako sa kanilang lahat at ngumiti.

"Mabuti naman," sabi ni Danica na hawak-hawak pa ang iniihaw nitong corn.

"Halika, inom ka muna ng tubig," sabi ni SHiela at inalalayan ako nito makapasok sa loob.

Huminto kami nang nasa kitchen na kami. Sumandal ako sa gilid at napayuko lang. Napatingin naman ako sa tubig na inalok sa akin ni Shiela.

"Uminom ka muna." Pagpupumilit nito.

Tinanggap ko na lang ang tubig na bigay n'ya at ininom ito. Nang maubos ko ito ay nilapag ko ito sa lamesa.

"What happened, Mike?" tanong ni Shiela at nagpunta sa harap ko.

Tinignan ko ito at nakita ko sa mukha nito na naguguluhan s'ya at nag-aalala.

"It's nothing. I'm okay," sagot ko rito.

"I know there's something wrong, Mike. You can tell me." Hinawakan nito ang kamay ko at napatingin ako rito. "You can always tell me everything's that bothering you. I'm here for you, Mike."

Napatingin ako sa kan'ya at hindi ko na napigilan ang luha ko. Kusa itong tumulo at ayokong makita n'yang umiiyak ako kaya agad ko itong pinunasan at napayuko ako.

Matagal na rin nang mangyari iyon. Ang akala ko ay okay na ako. Ang akala ko nakalimutan ko na ang sakit at takot na naramdaman ko noong gabing iyon.

Pero hindi pa pala. Dahil sa sobrang busy ko at pag-aako ng responsibilities ay natabunan ito. Nakalimutan ko lang iyon panandalian pero buhay na buhay pa ang pangyayaring iyon sa akin.