Willton's Academy

CHAPTER SIXTY FOUR

Mikaella's P.O.V.

Nandito na ako ngayon sa bahay. Hinatid ako nila Chase dahil 7:30 P.M. na rin. Dumiretso ako sa kwarto at humiga sa kama.

Isang oras at kalahati kami doon dahil habang kumakain ay daldal nang daldal si Earl. Tanong ito nang tanong tungkol sa akin kaya napapakwento ako pero yung mga okay lang sa akin na part ang kinowento ko sa kanila. Masaya kasama si Earl dahil energetic ito at friendly. Opposite na opposite s'ya ni Chase. Minsan talaga ay nagtataka ako kung pano naging magkaibigan ang dalawang iyon.

Nang makaipon ako ng lakas ay tumayo ako at nagpunta sa bathroom para mag-half bath. Nagbihis na rin ako ng pajama ko dahil balak ko matulog ng maaga. Pagkalabas ko sa bathroom ay tumalon ako sa kama at niyakap ang unan.

Pakiramdam ko ay antok na antok ako. Ilang oras lang rin kasi yung tulog ko kagabi. Kanina sa school ay antok na antok rin ako pero nung niyaya ako nila Earl kumain ay nawala ito. Naubos pa lalo ang energy ko dahil sa kadaldalan at kakulitan nito.

Ngayon ay bagsak na bagsak na ako sa kama. Pakiramdam ko ay gusto kong matulog ng isang linggo.

Tinignan ko ang oras at nakitang malapit na mag 8 p.m. Pauwi na si kuya galing sa trabaho n'ya. Hindi ako nakapaghanda ng ulam.

Tumayo na muna ako at nagpunta sa kitchen. Nilutan ko saglit si kuya ng beef steak at nag-iwan ako ng note na busog ako at matutulog na. Matapos ko itong gawin ay bumalik na ako sa kwarto.

Pinatay ko ang ilaw at humiga ako sa kama. Napatingin ako sa kisame ko na mayroong glowing in the dark na mga stars at moon. Kinuha ko ang paborito kong unan at niyakap ito.

Dahan-dahan kong pinikit ang mga mata ko hanggang sa makatulog ako.

×××

Friday na ngayon at naglalakad na ako papasok sa classroom. Halos lahat ng subject namin ay puro may quiz. Sa Monday na kasi start ang midterms. Hindi ko alam kung ready na ba ako dahil parang naglo-loading parin ang utak ko.

"Good Morning, Mika!" Bati sa akin ni Cara pagkapasok ko sa classroom.

"Good Morning, Ms. Evergreen!" Bati sa akin ni Kael na may hawak na libro at mukhang nag-aaral na agad.

"Morning," bati ko sa kanila at humikab.

Napatingin ako sa mga classmates namin at nakitang busy ang mga ito sa pagbabasa. General math pala namin ngayon at may quiz. Napangiwi na lang ako at dumiretso sa upuan ko.

Pagkalapag ko ng bag ko ay tinignan ko si Loui na bago ang salamin. Hindi na ito kulay itim na pabilog. Kulay silver na ito at medyo lumiit.

Napatingin s'ya sa akin at nakita kong nagtataka ito dahil nakatingin ako sa kan'ya. Umupo na lang ako at nilabas ang gen math book ko. Sinubukan kong aralin yung mga lessons at formula na hindi ko ma-gets.

Tinignan ko ang oras at nakitang may 20 minutes pa naman bago mag-start ang klase. May 20 minutes pa ako para subukang ma-gets itong lesson. Kinuha ko ang papel at ballpen ko. Sinubukan kong i-solve yung question number one.

Matapos ang limang minuto ay na-stuck ako at hindi na alam ang gagawin. Nakailang papel na rin ako at konti na lang ay susuko na ako. Huminga ako nang malalim at kinalma ang sarili.

Nang lulukutin ko na ang papel at itatapon sa bag ko ay natigilan ako nang may kamay na humawak dito. Napakunot ang noo ko at tumingin ako sa gilid ko. Nakita ko si Loui na nakatingin sa papel ko.

"Your formula is wrong. Tsk tsk," sabi nito at kumuha ng papel n'ya.

Pinatong n'ya ang papel sa lamesa ko at kinuha sa akin ang ballpel. "Listen, I'm going to tell you what you need to do, only once. Bahala kana kung hindi ka makinig o hindi mo ma-gets. Okay?" Malamig nitong sabi sabay ayos ng salamin n'ya.

Himala at ang bait n'ya. Dahil ba bago ang salamin n'ya?

Agad naman akong tumango sa kan'ya. Nagsimula na n'yang isulat ang formula at inexpain kung ano ang gagawin at paano i-solve ito. Nakatingin lang ako sa papel habang nakikinig sa kan'ya. Kailangan kong mag-focus. Ayoko namang mababa ang maging score ko sa quiz.

Matapos ang ilang minuto ay binitawan na nito ang ballpen at tinignan ako ng seryoso. "Naiintindihan mo ba?" Tanong n'ya.

Tumingin ako sa kan'ya at ngumiti. "Masyadong mabilis yung pagkaka-explain mo. Isa pa?" Tanong ko dito.

Nakita kong ngumiwi s'ya at hindi ako pinansin. Napasimangot ako nang bumalik na ito sa upuan n'ya. Tinignan ko ang papel sa harap ko.

Naintindihan ko naman ang tinuro n'ya pero parang may part parin na nalilito ako at dahil mahaba ang formula ay baka mamaya makalimutan ko ito. Napasandal na lang ako sa upuan at kinuha ang papel. Pinagmasdan ko ito para kabisaduhin ang formula at ma-gets ito lalo.

"Here," rinig kong sabi ni Loui na may inaabot na notebook sa akin.

Agad ko itong kinuha at tinignan. Mga formula ito at mga solved na problems. Tinignan ko s'ya at nakitang nagbabasa na ito ng mga librong crime scenes.

Napangiti naman ako. "Thanks, Loui," sabi ko rito at agad na binuklat ang notebook para aralin ito.

Hindi ko alam kung ano ang nangyayari o nakain ni Loui at nagiging mabait ito sa akin ngayon, pero kailangan ko na ito i-take advantage. Tinignan ko ang notes n'ya at sobrang linis nito kaya gaganahan ka talaga mag-aral at mas mabilis mong mage-gets.

Napatingin ako sa oras at nakitang limang minuto na lang ay papasok na si Professor Hanji. Binalik ko na agad ang tingin sa notebook ni Loui at inaral ito.

"Good morning, Class!"

Lahat kami ay napatingin sa pinto nang bumukas iyon at narinig ang boses ni Professor Hanji.

"Sht, start na hell quiz."

"Aargh, hindi pa ako ready."

Narinig ko ang mga mahihinang reklamo ng mga classmates ko. Pumasok na sa loob si Professor Hanji at nagpunta sa table n'ya. Nagsitayuan naman kaming lahat para batiin s'ya.

"Good morning, Professor Hanji!" Bati namin rito.

"Maupo na kayo. Handa na ba kayo sa quiz?" Tanong n'ya habang nakangiti sa amin.

Napangiwi na lang ako at binalik ang notebook ni Loui sa kan'ya nang nakatalikod ako.

"Goodluck," rinig kong mahinang sabi ni Loui.

×××

Lunch break at ngayon ay nasa back garden ako. Kakatapos ko lang kumain at may 15 mimutes pa naman bago magsimula ang susunod na klase. Sumandal ako sa bench na inuupan ko at tinignan ang makulimlim na langit.

Nagtatago sa makapal na ulap ang araw. Mas malamig ang hangin rito ngayon compared sa dati. May mga grupo din ng ibon ang mabibilis na lumilipad sa langit.

Mukhang uulan mamaya. Pinikit ko ang mata ko at napabuntong hininga. Puro quiz at aral kami ngayon. Nakakapagod mentally.

"What are you doing here?"

Agad akong napadilat nang marinig ang pamilyar na boses. Tinignan ko s'ya at sinamaan ko ang tingin nang maamoy at makita ko ang sigarilyong hawak nito. Narinig kong natawa ito ng mahina at tinapon sa sahig ang sigarilyo n'ya tapos ay tinapakan ito para mawala ang usok.

Sumandal na lang ako ulit sa bench at pinikit ang mata. Ayoko s'yang kausapin ngayon. Gusto ko lang ng peace of mind ngayon.

"Tell me kung ginugulo kapa ng mga loan sharks," rinig kong sabi nito.

Napadilat ako at tinignan s'ya. Nakatayo na s'ya. Likod n'ya lang ang nakikita ko at ang pula n'yang buhok.

"What are you planning?" Tanong ko sa kan'ya. "Forever mo na lang ba sila tatakbuhan? Habang buhay ka na lang ba magpapabugog sa mga 'yon?" Tanong ko sa kan'ya.

Narinig kong napangisi ito. "Hindi ako ang nabubugbog. Sila ang binubugbog ko," sabi nito at nilingon ako tapos ay tinignan ng masama.

"Stop lying. Look at your face. How am I supposed to believe you?" Tanong ko rito at umirap.

Halata naman sa itsura n'ya na nabubugbog rin s'ya. Araw-araw na nga ito may bagong sugat at band aid sa mukha.

"Tsk." Inalis nito ang tingin n'ya sa akin. "Mind your own business, Ella," mahina nitong sabi at naglakad na papunta sa buildings.

Mabuti naman at hindi na ito aakyat sa bakod at magkakacu-cutting. Tinignan ko ang relo at nakitang 10 minutes na lang at magsisimula na ang susuunof na klase. Tumayo na ako kahit ang bigat ng katawam ko at tamad na tamad ako.

Naglakad na lang ako papasok sa building hanggang sa makabalik na ako sa classroom. Nakita ko ang mga classmates ko na busy at nag-aaral para sa susunod na quiz namin. Ganun rin si Kael at Cara. Seryoso ang mga mukha nito habang ang iba naming kaklase ay mukhang nasa cafeteria pa at kumakain.

Dumiretso na lang ako sa upuan ko at nginudngud ang mukha. Gusto ko na matapos ang araw na 'to.

×××

"Goodbye, Class!" Paalam ni Professor Quan sa amin.

Tumayo kaming lahat at nagpaalam na rin rito. "Goodbye Professor Quan!"

Ngumiti s'ya sa amin at lumabas na ng classroom. Inayos ko naman na ang mga gamit ko. Nakita kong nagmamadali na ring umuwi ang mga classmates ko. Ang iba sa kanila ay nag-uunat at nagra-rant tungkol sa mga quizzes ngayong araw.

"Goodbye, Guys! Everyone take care sa pag-uwi!" Paalala ni Kael sa amin nang nasa pintuan na sila ni Cara habang may bitbit silang mga folders.

"Goodbye Mr. President!" Sagot naman ng mga kaklse namin na nananaig ang boses ni Vivian.

Napatingin sa akin si Kael at kumaway ito. Ngumiti na lang ako ng tipid sa kan'ya bago sila tuluyan nang lumabas ni Cara dito sa classroom.

Pagkasuot ko ng bag ko ay agad akong napalingon kay Loui. Nakita kong palabas na ito kaya mabilis ko itong sinundan ng palihim.

Alam kong hindi n'ya ako kakausapin at sasagutin ang mga tanong ko kaya kailangan ko ng plan ngayon. Kailangan ko s'ya kaibiganin para makausap ng maayos.

Nang makalabas na kami sa building ay napakunot ang noo ko nang makitang hindi sa gate papalabas amg direksyon nito. Sinundan ko na lang s'ya at napansing papunta ito sa library. Hanggang pag-uwi ba ay nagbabasa ang isang ito?

Hindi ba s'ya napapagod kakabasa at kakaaral?

Pagkapasok n'ya sa loob ay naghantay ako mg ilang segundo para pumasok. Ayoko namang maging halata sa pagsunod sa kan'ya.

Pagtingin ko sa loob ay nakita ko ang mga iilang estudyante dito. May mga nakatayo malapit sa shelves habang nagbabasa, habang ang iba naman ay nakaupo at mga mukhang nag-aaral.

Hinanap ko si Loui pero hindi ko ito makita kaya naglakad pa ako. Sigurado akong nasa gilid-gilid lang sya sa mga bookshelves.

Medyo nakalayo na ako at padulo na ng library pero wala parin s'ya. Wala na ring tao dito at sobrang lamig pa dahil dalawa ang aircon dito. Tahimik rin dito kompara sa area na may mga estudyante. Tanging tunog ng aircon nga lang ang naririnig ko dito ngayon.

Nang makitang nasa pinakadulo na ako ay napakunot ang noo ko. Tinignan ko ang magkabilang shelves pero wala rito si Loui. Napabuntong hininga na lang ako.

Nagpunta na lang ako sa shelves sa kanang side para tignan ang mga libro dito dahil wala na rin naman na akong gagawin. Nawala na si Loui.

Napatigil ako sa tapat ng mga librong mukha at amoy luma. Hinawakan ko ang mga ito. Tinignan ko ang title nila at mga story books ito. Napansin ko rin ang isang book na parang tungkol dito sa Moonbridge Town.

Nang kukuhain ko na ito ay agad na may humawak sa wrist ko kaya natigilan ako. Muntik na akong mapasigaw sa gulat. Ang lamig kasi rito at ang lamig rin ng kamay na humawak sa akin.

Tinignan ko kung sino ito at nakita si Loui na seryosong nakatingin sa akin. "Why are you here? Why are you following me, Mika?" Tanong nito.

Agad naman akong napaiwas ng tingin. Hindi ko alam kung ano ang sasabihin sa kan'ya. Hindi ko alam kung pano ko sisimulan.

"I'm not following you," sabi ko rito. "Naghahanap ako ng libro. Can't you see?"

Nakita ko namang napatingin ito sa librong sinusubukan kong kunin.

"Pwede mo na akong bitawan," mahina kong sabi pa rito.

Binitawan n'ya naman na ako. "Sorry," mahina n'yang sabi at nang maglalakad na ito ay agad ko s'yang tinawag.

"Wait!" Pasigaw pero mahina kong tawag dito.

Napahinto naman s'ya at napalingon sa akin.

"If you're really sorry, anong book mare-recommend mo sa akin?" Tanong ko sa kan'ya.

Naglakad naman s'ya papalapit sa akin. "Anong genre ba ang gusto mo and about what?" Tanong nito habang nakatingin sa mga libro.

"Gusto ko yung mga murder case. Mystery or thriller," sagot ko rito.

Nakita ko namang agad s'yang may kinuha na libro. Itim ang cover nito na may baril at pulang mansanas. Inabot n'ya ito sa'kin kaya naman tinanggap ko.

"Try this one," mahinw n'yang sabi at tumalikod na. "Huwag mo na ako ulit sundan."

Napangiwi na lang ako nang marinig ang huling sinabi nito at naglakad na s'ya papalayo. Tinignan ko ang libro at nakitang medyo makapal ito. Babasahin ko ba ito? Wala pa naman akong time dahil kailangan kong mag-focus sa pag-aaral ngayon lalo na't midterm exam na next week.

Napagdesisyunan kong hiramin na lang muna ito sa library at basahin na lang pagtapos ng exam. Two weeks ang pinakamatagal na pwede kaming manghiram ng libro dito. Pagtumagal pa sa two weeks ay may bayad na iyon.

Nagpunta na ako sa babaeng nagbabantay dito. Pinakita ko sa kan'ya ang I.d. ko at may pina-fill up an ito sa akin. Matapos kong sagutan ang mga iyon ay pwede ko na raw iuwi ang librong ito.

"Thank you po," sagot ko rito.

Tumango lang s'ya at ngumiti kaya naman lumabas na ako ng library. Pagkalabas ko ay agad kong narinig ang malakas na ihip ng hangin ata ng paggalaw ng mga dahon o puno. Narinig ko rin ang mga usapan ng estudyante sa paligid. Pakiramdam ko ay nabingi ako kanina sa library dahil sa sobrang tahimik.

Nilagay ko na sa bag ang libro at naglakad. Nadaanan ko na ang building ng classroom ko nang may marinig akong sumigaw sa likuran ko.

"Tabi!"

Napalingon ako rito at agad na tumabi. Huminto naman si Jaxe at binuhat ang skate board nito. Tinignan ko s'ya ng masama dahil muntik na n'ya akong mabangga.

"Kung nakakamatay lang ang titig ay siguradong patay na ako," sabi nito at ngumiti sa akin.

Hindi ko s'ya pinansin at naglakad na lang pero nakasunod ito sa akin. Napapatingin tuloy ang ibang estudyante sa amin.

"What do you want, Mr. Dean?" Tanong ko sa kan'ya at huminto para makaharap ito.

Nakita kong mas lalong lumawak ang ngiti nito. "Nothing. I just wanted to be your friend, Ms. Evergreen," sagot nito.

"I already have a ton of friends. Hindi ko na kailangan ng kaibigan ulit. I'm good," sabi ko sa kan'ya at maglalakad na sana pero humarang ito.

"Then.. pwede bang mag-apply as your boyfriend instead?"

Napakunot ang noo ko at tinignan ito ng masama. Nakukuha na namin talaga ang atensyon ng mga schoolmates namin. Hindi ko na nagugustuhan ang pakiramdam na maraming nakatingin sa amin. Pakiramdam ko ay gusto ko na lang kainin ng lupa at matulog.

"Kung boring ka, wag ako ang pag-tripan mo. There's a lot of students here," madiin kong sagot sa kan'ya at binilisan na ang paglalakad.

"Pero ikaw ang napili kong guluhin today," sagot nito at narinig kong nilapag n'ya ang skate board n'ya.

Narinig ko ang maliit nitong gulong papunta sa akin. Naramdaman ko ang presensya n'ya sa gilid ko. Nagi-skate board ito ng mabagal habang sinasabayan ako sa paglalakad.

Napabuntong hininga ako at hindi s'ya pinansin. Mas binilisan ko ang paglalakad. Mas makakabuti kung hindi ko na lang s'ya kakausapin at papatulan. Para ito sa ikakabuti ng lahat.

"Let's play a game, Mikaella," rinig kong sabi nito at binilisan ang pag-skate board papunta sa harap ko kaya naman napahinto ako. "Are you in?"

Napakunot ang noo ko at tinignan s'ya. "I'm not interested, Jaxe. Stop bothering me," sagot ko rito at naglakad na ulit.

"Hear me out first," sabi nito at hinabol ako gamit ang skate board n'ya. "I'll do everything you want or answer your question if you will win."

Dahil sa sinabi n'ya ay napahinto ako sa paglalakad. Tinignan ko s'ya at nakita kong nakangiti ang gunggong na ito.

"And if I lose?" Tanong ko sa kan'ya.

"Same condition lang," sagot nito. "So, what? Are in or out?"

"Fine. I'm In," madiin kong sabi sa kan'ya habang seryoso ang mukha.

×××

"Mika," tawag sa akin ni kuya habang kumakain na kami ng dinner.

Napatigil ako sa pagsubo ng rice at tinignan s'ya. Hindi ako sumagot at hinihintay ko lang ang susunod nitong sabi. 9 P.M. na pala at medyo na-late s'ya ng uwi.

"Sinasama ako sa overnight pool resort ng mga katrabaho ko bukas," sabi nito.

"And?" Tanong ko sa kan'ya.

"Okay lang ba sa'yo kung sumama ako? Kaya mo ba alagaan muna sarili mo dito kung wala ako?" Sunod-sunod na tanong nito.

Napatingin ako sa kan'ya at nakaramdam ako ng guilt. Pakiramdam ko tuloy ay ako ang dahilan para pigilan s'ya sumama doon at sumaya.

"You can go. I can handle myself," sagot ko sa kan'ya. "And besides, it's just one night. Kahit mapabayaan ko sarili ko ng isang gabi lang ay hindi ako agad mamatay."

"Are you sure?" Paninigurado n'ya.

Halata ko rin sa boses n'ya ang pagdadalawang isip n'ya. Alam kong pagod si kuya at deserve n'yang makapag-relax relax lalo ngayon.

"Yes," sagot ko sa kan'ya at sumubo ng curry na niluto n'ya.

"Thanks Mika. Bibilan na lang kita ng souvenir, okay?" Nakangiti at halatang masayang sabi nito.

"No need. Hindi naman na ako bata," sagot ko rito at inubos na ang tubig ko dahil tapos na ako kumain ng rice.