Willton's Academy

CHAPTER THIRTEEN

Mikaella's P.O.V.

Naalimpungatan ako nang makarinig ako ng mga huni ng ibon. Dahan-dahan kong dinilat ang mga mata ko at bumungad sa akin ang kulay puting kisame. Ginala ko ang paningin ko at nakita ang mga puting kurtina na nakapaikot sa kama na hinihigaan ko ngayon.

Napakunot ang noo ko at nang umupo ako ay naramdaman ko ang hilo at kirot sa aking ulo. Napahawak ako dito at naramdamang mainit ang temperatura ko. Napangiwi ako at napasandal sa pader tapos ay pinikit ang mga mata.

Paano nga ulit ako napunta dito sa school clinic? Ang alam ko ay hindi naman ako nagpunta dito ng kusa. Hindi rin naman ako humingi ng gamot sa kanila at walang may alam na may lagnat ako ngayon.

Napakunot pa lalo ang noo ko nang maalala na mag-isa lang ako sa classroom at lunch break iyon. Natutulog lang ako non at may biglang pumasok na isang estudyante. Si Jaxe Dean ito. Hindi ko alam kung bakit n'ya ako ginugulo non.

Natandaan kong nainis ako dito at tumayo. Naglakad ako papalabas sa classroom pero bago pa ako tuluyang makalabas ay..

Napadilat ako at napaupo ng maayos.

"Nawalan ako ng malay?" Naguguluhan kong tanong at napabuntong hininga na lang.

Napatingin ako sa mini table sa tabi ng kama ko. Nakita kong may isang banig ng gamot doon. May tubig din at prutas.

"Stella.."

Agad akong napatingin sa kabilang kama nang may marinig akong nagsalita doon. Mahina ang boses at mukhang galing ito sa lalaki.

"I'm sorry, Stella."

Napakunot ang noo ko nang marinig kong parang naiiyak ang boses nito. Sino kaya ang kasama ko dito ngayon sa school clinic? Sino si Stella at bakit s'ya nagso-sorry?

"I'm really sorry, Stella. Naduwag ako."

Umupo ako sa gilid ng kama ko at sinubukang pakinggan ang sinasabi nito. May kausap ba s'ya sa phone?

"Wala akong nagawa. Wala akong nagawa para ipagtanggol ka o bigyan ng katarungan ang pagkamatay mo."

Natigilan ako dahil sa narinig ko.

"I'm sorry natakot ako sa kanila.."

Biglang bumilis ang t***k ng puso ko. Sino ang tinutuloy n'ya na sa kanila?

Hinawakan ko nang madiin ang puting kurtina at pumikit. Gusto ko itong hawiin at tignan kung sino ang tao dito sa kabilang kama. Gusto ko s'yang tanungin kung sino ang mga tinutukoy n'ya at kung ano ang nangyayari.

"Matagal na kita dapat sinundan d'yan. Sobrang nagi-guilty na ako."

Hindi kaya.. si Nathan ito?

Mabilis kong hinawi ang kurtina at nakita ko nga si Nathan na nakaupo sa kama habang nakasandal ang likod sa pader at may hawak-hawak na litrato. Napatingin s'ya sa akin at nakita kong nagulat ito dahil sa ginawa ko.

"Sino ka?" Agad nitong tanong at tinago ang litrato sa likod n'ya.

"What are you talking about?" Nakakunot noo kong tanong. "Sino ang tinutukoy mong sila?"

Mas lalong nanlaki ang mata nito dahil sa tanong ko. Napayuko ito at hindi nagsalita.

"Did they killed Stella?" Diretso kong tanong.

Hindi s'ya sumagot sa akin at nanatiling tahimik lang ito. Nakita kong pinagpapawisan s'ya at halata dito na kinakabahan s'ya. Bakit naman s'ya kakabahan dahil nandito ako?

"Answer me, Nathan." Binababa ko ang dalawang paa ko sa sahig at umupo ng maayos sa kama at tinignan s'ya ng deretso sa mga mata.

Tumingin s'ya sa akin at nakita kong seryoso ang mukha nito.

"Do you really want to know?" Seryosong tanong nito.

Narinig ko ulit ang huni ng ibon. Nakita kong bukas ang bintana sa gilid ng kama n'ya pero wala doon ang ibon.

"I'm going to tell you my secret but you need to tell me yours first," sabi nito at binaba din ang paa at umupo sa gilid ng kama n'ya kaya naman kaharap ko na ito ngayon.

"Sure," mahina kong sagot habang nakatingin ng deretso sa kan'ya. "I hate my older brother. Because of him, Mom and Dad is not here anymore. They died because of him. Everything is fcked up."

Nakita kong ngumiti ang dulo ng labi n'ya at yumuko ito saglit. Tumingin din s'ya sa akin agad at bumalik na ang seryoso nitong mukha.

Biglang bumalik ang pagkahilo ko at ang masamang pakiramdam ko. Uminit din ang paligid at parang masusuka ako.

"They killed my girlfriend. Those man wearing clownmasks, they killed Stella Jang."

Bumigat ang pakiramdam ng dibdib ko at parang biglang tumigil sa pag-andar ang oras nang marinig ko ang sinabi nito.

"They r*ped her and k*lled her and I was there. I just watched them how they ruined my girlfriend. I watched them, Mika. I couldn't do anything."

Nakatingin lang ako sa mukha ni Nathan. Hindi ako makagalaw at makasalita. Pakiramdam ko ay walang boses na lalabas sa aking bibig.

Nakita kong naluluha ang mata n'ya. Kitang kita ko ang sakit at galit sa mga mata n'ya. Kitang kita ko sa mga mata n'ya na parang kahapon lang ang lahat ng nangyaring iyon.

"I hide that night in my closet and I saw everything. Alam nilang nandoon ako at pinapanood ko sila. Alam nila ang lahat. They warned me. They warned me that they will kill me and my Mom if I talk to the police."

"Ilan sila?" Ito lang ang tanging lumabas sa aking bibig.

Ang dami kong gustong itanong. Ang dami kong gustong sabihin. Ramdam na ramdam ko ang sakit at pinagdadaanan n'ya dahil ito rin ang naramdaman ko nung gabing pinatay sila Mommy at Daddy sa harapan ko.

"Apat. Apat sila," sagot nito at yumuko.

Naiyukom ko ang palad ko at nagsimula akong mahirapan na huminga. Parang sumisikip ang aking dibdib. Hindi ko maintindihan ang nararamdaman ko.

"Will you tell all of this to others?" Tanong ni Nathan sa akin.

Hindi ako makasagot. Hindi ko alam kung ano ang isasagot ko. Masyado akong naguguluhan sa mga nalaman ko.

"You can't tell the others, Mika." Seryoso ang tono ng boses nito at tumayo s'ya. "They will come to you."

Nang gumilid ito ay napunta ang tingin ko sa table na malapit sa kama n'ya sa kabilang side. Nanlaki ang mata ko nang makita ang isang ibon doon na putol ang pakpak at may dugo.

"This is our secret now, Mika."

Hindi huni ng ibon ang naririnig ko, kundi iyak ng isang ibon. Narinig kong palakas nang palakas ang iyak nito at parang dumadami ang dugo nito sa lamesa. Napatayo ako at napatingin kay Nathan.

Nakatingin lang s'ya sa akin at seryoso ang mukha. Tinignan ko ang kamay n'ya at nakita kong may hawak itong itim na cutter at may dugo iyon.

Agad akong napailing. "What did you do to the bird.." nahihirapang huminga na sabi ko at napataaras.

"Mika," tawag nito sa pangalan ko. "Are you okay?" Tanong n'ya pa at nang lalapit ito sa akin ay agad akong humakbang paatras.

"Mika!"

Agad akong napalingon sa likod ko at nakita si Kael. Mukhang nag-aalala ito at naguguluhan. Napatingin s'ya kay Nathan.

"Nathan! Anong ginagawa mo?" Agad na tanong nito dito.

"What's happening here?"

Napatingin kami kay Nurse Lia nang lumapit ito sa amin. Napatingin s'ya kay Nathan at agad n'yang inagaw ang cutter nito sa kamay.

"Nathan, what's happening to you?" Tanong ni Nurse Lia at nang makita n'ya ang ibon sa table ay napaatras ito.

"Hinayaan n'yo na lang sana ako na mamatay!" Sigaw ni Nathan at nagulat kami nang agawin nito ang cutter kay Nurse Lia.

"Sht!" Rinig kong sabi ni Kael at mabilis itong lumapit sa dalawa para pigilan.

Hinawakan n'ya sa dalawang braso si Nathan at pinigilan ito. Agad namang lumayo si Nurse Lia at kinuha ang phone nito. May tinawagan ito at pinapapunta n'ya ang mga ito dito sa school clinic.

"Let me go, Kael!" Galit na sigaw ni Nathan.

"Hold on, Kael!" Mahinahon na sabi ni Nurse Lia at agad na may mga pumasok na lalaking nakasuot ng puti.

"No!!" Sigaw ni Nathan nang hawakan s'ya nang mga ito.

Pilit s'yang kumakawala sa mga ito pero masyado silang madami at malakas. Lumabas sila dito sa school clinic kasama si Nurse Lia habang may kausap ito ulit sa phone.

"Mika! Are you okay?"

Napatingin ako kay Kael nang kausapin ako nito. Tumayo s'ya sa harap ko at hinawakan ako sa braso. Nang maramdaman n'yang mainit ako ay nilagay n'ya sa noo ko ang kamay n'ya.

"Mas lalong lumala ang lagnat mo. Kailangan mo ng inumin ang gamot mo," sabi nito sa akin at pinahiga ako sa kama.

Pumunta s'ya sa side table at kinuha ang gamot dito. Inabot n'ya ito sa akin pati na rin ang tubig. Tinanggap ko na lang ito at ininom.

Pagkalapag ko ng baso sa side table ay umupo ako at huminga ng malalim. Kinontrol ko ang paghinga ko hanggang sa maging normal na ito ulit.

"What happened?" Tanong ni Kael at umupo sa gilid. "Anong pinag-usapan n'yo ni Nathan?" Nakakunot noo nitong tanong.

Tinignan ko s'ya at kitang kita ko na gusto n'ya malaman ang nangyari.

"He told me about those killers wearing clown masks, Kael," mahina kong sagot sa kan'ya at yumuko.