Willton's Academy

CHAPTER FIFTY THREE

Mikaella's P.O.V.

Tuesday na ngayon at papasok na ako sa klase. Naglalakad lang ako dahil maagang umalis si kuya para sa trabaho n'ya. Habang naglalakad ay napatingin ako sa paligid ko.

Dahil kalahating oras na lang din at magsisimula na ang klase ay may mga nakakasabay akong estudyanteng naglalakad ngayon. Malapit na rin kasi ako sa Willton's Academy. Ako nga lang ata ang walang kasama maglakad ngayon.

Napabuntong hininga na lang ako at binilisan ang paglalakad. Kinuha ko ang earphone ko at nakinig na lang muna ng kanta. Isang kanto na lang rin at malapit na ako sa Academy.

"Ate Mika!!"

Kahit naka-earphones ako ay rinig na rinig ko ang malakas na boses ni Chaz. Naramdaman ko rin ang presensya nito sa tabi ko kaya naman napatingin ako rito. Nakita ko s'yang nakatingin sa akin habang nakangiti. Suot nito ang complete uniform n'ya at nakababa ang buhok nito.

"Good morning, Ate Mika," bati nito sa akin.

"Good morning," mahina kong tugon dito at naglakad na ulit.

Nakita ko namang sumunod ito sa akin.

"Okay na ba pakiramdam mo?" Tanong nito.

Nang nasa tapat na kami ng gate ng Willton's Academy ay napansin kong nakatingin ang ibang estudyante sa akin. Sigurado akong kumalat na rin sa buong school ang nangyari sa brithday party ni Vivian at ang krimen na nangyari.

"Okay naman na," sagot ko kay Chaz at inalis ang earphone sa kaliwang tainga para marinig s'ya ng maayos.

"Mabuti naman," sabi nito sa akin at pumila na kami.

Dahil magkaiba ang pila sa babae at lalaki ay nagkalayo na muna kami. Matapos kong ipakita sa guard ang school I.D. ko at tignan nito ang laman ng bag ko ay pumasok na ako sa loob. Sabay lang rin kami nakapasok ni Chaz kaya naman agad itong tumabi sa akin.

"How about Chase?" Tanong n'ya sa akin habang naglalakad. "Kasama s'ya diba?"

Speaking of Chase Javier. Hindi ko pa s'ya nakakausap ulit at nakikita. Hindi ko nga alam kung kailan ulit kami magkikita.

"I don't know," sagot ko kay Chaz.

"Bakit pala kayong dalawa nasa rooftop? Anong ginagawa n'yo don? Close mo pala si Chase?" Sunod-sunod nitong tanong sa akin.

Napahinga na lang ako nang malalim at tumingin sa dinadaanan. "Hindi ko close si Chase. Tsamba lang na nagkasama kami non."

"Ito last na tanong, Ate Mika," sabi ni Chaz at huminto na kami nang nasa tapat na kami ng building ko.

Tinignan ko s'ya at nakitang nakakunot ang noo nito habang nakatingin sa akin. "Ano 'yun?" Tanong ko dito.

"Alam mo bang may krimen na magaganap sa rooftop non? Pano mo nalaman? Pano mo rin nalaman kay Nathan?"

Siguro ay nacu-curious ngayon si Chaz. Lahat naman ata ay macu-curious. Kahit ako nga nung marinig ko na may kausap si Nathan sa phone sa rooftop ay sobrang nakuha ang atensyon ko non kaya sinundan ko s'ya.

"Ibabalita naman sa Television or dyaryo ang nangyari, Chaz," sabi ko dito at humakbang na papasok sa building ng school ko. "Intayin mo na lang 'yon. Mauna na ako," paalam ko rito.

"Sorry sa mga tanong, Ate Mika. Okay po. Pasok na rin ako," sabi nito at nguniti.

Hindi na ako nagsalita at tumango lang ako. Kumaway na s'ya sa akin pero nagpatuloy na lang ako sa paglalakad dahil gusto ko nang maupo at ipikit ang mga mata ko, kahit sandali sa classroom dahil maaga-aga pa naman.

"Mika!"

Napabuntong hininga ako nang pag-akyat ko sa 2nd floor ay narinig ko ang tawag sa akin ni Kael. Napatingin ako sa harapan ko at nakita ko si Kael. Suot na nito ang salamin n'ya ngayon hindi katulad sa birthday party ni Vivian nung nakaraan.

"Good morning," bati nito sa akin at sinabayan ako sa paglalakad.

May mga notebooks itong hawak. "By the way, pinakolekta yung mga notebooks sa akin kahapon matapos naming magsulat ng notes. You don't have to worry, excused ka naman dahil sa nangyari. You can borrow my notebook na lang and copy the notes."

"Thanks," sagot ko rito at pumasok na kami sa loob ng classroom.

Nakita kong napatingin ang lahat ng classmates namin ni Kael dito sa loob sa akin. Hindi ko na lang iyon pinansin at mabilis akong naglakad papunta sa pwesto ko tapos ay umupo rito at inayos ang mga gamit.

"Here's my notebook." Napatingin ako sa nagsalita sa gilid ko at nakita si Kael na hawak-hawak ang notebook nito.

Tinanggap ko na lang ito at tumango ako. "Ibabalik ko na lang mamaya bago mag-uwian," sabi ko rito.

"Sure, no problem. Kahit bukas mo na rin ibalik, okay lang," agad nitong sabi. "Wag mo na ang rin pansinin ang mga titig ng classmates natin. Okay?"

Hindi ako nagsalita at tumango lang ako. Ngumiti naman s'ya at naglakad na pabalik sa pwesto n'ya. Nakita kong pumasok na rin sa loob si Cara na hinihingal.

"Mr. Class President!" Tawag nito kay Kael at mabilis na nilapag ang bag sa table n'ya.

"Ano 'yon, Cara?" Rinig kong tanong ni Cara.

"Si Liam," hinihingal na sabi nito. "Napaaway s'ya sa isa sa mga estudyante dito sa Willton's Academy. Nasa baba sila."

Nang marinig ng mga classmates ko ang sinabi ni Cara ay nagtayuan sila at naglabasan ng classroom para tignan ang gulong nangyayari. Agad namang tumayo rin si Kael at mabilis silang tumakbo ni Cara papalabas.

Napatingin ako sa bintana at naalala ko ang nakita ko kahapon habang kasama ko si Kross sa kotse n'ya. Nakita kong magkasama si Liam at Kael. Hindi halata na magkaibigan silang dalawa dahil maganda ang image ni Kael dito sa Willton's Academy, habang si Liam naman ay kilala bilang isang trouble maker.

Kinuhq ko na lang ang ballpen at notebook ko para simulan na magsulat. Ayoko na muna mag-isip ng kung ano-ano. Baka mabaliw lang ako.

Habang nagsusulat ay napatingin ako sa pinto. Nakita ko si Loui Choi na papasok na dito sa loob ng classroom. Nagtungo s'ya sa upuan n'ya sa likuran ko.

Hindi ko na lang ito pinansin at nagpatuloy na sa pagsusulat. Sobrang tahimik ng paligid at mas gusto ko ito kaysa sa ingay ng mga classmates ko. Hindi ko parin nakakalimutan ang sinabi ni Loui sa akin pero ngayon ay nagkakaroon na ako ng clue.

"Do you want to know the truth about Moonbridge Town?" Rinig kong tanong ni Loui.

Napakunot ang noo ko pero nagpatuloy lang ako sa pagsusulat. Hindi ko alam kung ako ang kausap n'ya o kung may kausap ito sa phone n'ya sa likuran ko.

"Kilala ang Moonbridge Town bilang safe at calm na town di'ba?"

Napahinto ako saglit at napatulala sa sinusulat ko. Tama naman ang sinabi ni Loui. Kaya dito naisipan ni kuya na lumipat ay dahil kilala ang lugar na ito sa isang pinaka-safe at low ang cases ng mga krimen.

"Maraming krimen ang nagaganap sa mga cities at laging nababalita iyon, pero halos kaparehas lang ng mga krimen ang lugar natin sa mga cities. Hindi lang nababalita ito sa ibang lugar dahil gusto ng president natin na maganda at mataas ang tingin ng ibang tao sa ating mga taga-Moonbridge Town."

Napakunot ang noo ko at agad kong naalala ang mga krimen na nakita ko. Unang lipat pa lang namin ni kuya ay may nasaksihan na ako agad.

Nabalik ako sa sarili ko nang makitang tumapon ang ink ng ballpen ko sa notebook na sinusulatan ko.