Matapos kong maayos iyong resignation letter at maipasa sa aming boss sa café na pinagtatrabahuan ko ay napagpasyahan kong umuwi na para makapag-ayos sa mga gamit ko. Dadalhin ko lamang ang mga kakailanganin ko. Marami akong mga gamit sa appartment ngunit hindi ko iyon madadalang lahat sa pag-uwi ko sa Pilipinas.
Kung tutuusin ay ayos naman ng lahat. Pati iyong paghingi ko ng permiso kay tito Michael ay naaprubahan na rin. Sa katunayan ay masaya pa nga ito para sa akin dahil sa wakas raw ay nagkaroon rin ako ng interes na umapak muli roon. Akala nga niya'y dito na talaga ako mamamalagi sa Newyork hanggang sa magkaroon ng sariling pamilya. Madalas niya akong tuksuhin tungkol sa pag-aasawa. Tinatawanan ko nalang iyon dahil wala pa naman sa isip ko iyong gano'n. Bata pa ako at may mga plano
