Isang beses na tumunog ang aking alarm clock na nasa tabi lamang ng aking kama at nakapatong sa isang mini table katabi ng aking lamp shade. Kinapa ko ang button nito upang matigil sa pag-iingay. Nang magawa ay dahan-dahang nagmulat ang aking mga mata ngunit pumikit rin nang maramdaman parin ang antok dulot ng pagod na natamo kagabi. Kagabi lang ba? Halos gabi-gabi na ata ito simula ng magdesisyon akong humiwalay muna ng matitirhan sa aking tita Miracle.
Ayaw ng mga pinsan ko dahil nasanay na silang naroon ako mula pag-gising sa umaga hanggang sa maghapunan sa gabi. Ngunit gusto kong matuto sa buhay. Ayokong lagi lamang na nakaasa sa kanila. Nasa tamang edad na ako upang pagsabayin ang pag tatrabaho at pag t-train sa firm ng kaibigan ni Papa.
I took up law. Basically I want to be a lawye
