CHAPTER 10
"Ano na ngayon ang plano mong gawin, Ysabella?" tanong ng kanyang kababata na si Luis sa kanya isang hapon nang muli siya nitong sadyain sa kanilang bahay.
Dalawang araw pagkatapos nang nangyaring muntikang aksidente sa kanya sa daan ay naiuwi na nito sa rancho ang pick-up ng kanyang Lolo Victor. Sa maraming pagkakataon na inuusisa siya ni Claire tungkol sa sasakyang iyon ay laging palihis ang mga nagiging sagot niya. Labis ang naging pagtataka nito dahil sa ilang araw nang wala sa kanilang rancho ang pick-up ng kanyang Lolo Victor. At ngayon ngang narito na muli ang pick-up ay nasisiguro niyang uulanin siyang muli ng mga katanungan mula sa kanyang Tita Claire.
Sa ngayon, maliban sa kanyang sarili ay wala siyang ibang mapagkakatiwalaan at mahihingan ng tulong kung hindi si L
