CHAPTER 16
"Ano na ngayon ang plano nating gawin, boss? Ano na ang magiging sunod nating hakbang?" tanong ni Antonio sa kaharap.
Kasalukuyan silang nasa niyugan sa may Rancho Estrella at nasa malilim na bahagi nito. Nakaupo si Antonio sa mahabang kawayang bangko na sadyang ginawa talaga para tambayan ng mga trabahador sa lupaing iyon. Samantalang hindi naman mapakali sa ginagawang paroon at paritong paglakad ang kanyang kausap.
"Kung bakit ba naman kasi tatanga-tanga ka, Antonio? Isang babae lang iyon. Kung natuluyan mo na siya ay wala na sana tayong problema sa ngayon," nangangalaiti nitong turan. "Ngayon, saan natin hahanapin ang babaeng iyon?"
"Sigurado akong nasa kabilang rancho lamang siya. Nakita ko mismo nang pumasok siya roon," kakamot-kamot sa batok na sagot ni Antonio.
"At
