NAPAMAANG si Elyse nang makita ang mga iba’t ibang klase ng baril na nakatago sa loob ng isang safe sa ilalim ng kama. May mga mahahaba at maiiksing baril. Mayroon ding mga kahon ng bala.
“Is it legal na magtago ka nang ganyan karaming baril?” Hindi niya mapigilang tanong sa lalaki.
Ngumiti si Cliff at saka kumuha ng isang maiksing baril doon. “Rehistrado ang mga ito, Elyse. Don’t worry.”
Dalawang baril at mga bala ang kinuha ni Cliff mula doon. Inilapag nito ang mga iyon sa mesa.
“Look closely how to load a gun,” anas ni Cliff.
Siya naman ay nakatutok lang sa ginagawa nito. Mukhang hindi naman mahirap kaya sinubukan na rin niya. Ang totoo ay proud siya sa bilis niyang pagkatuto.
“Good. You learn fast,” bati ni Cliff k
