DUGO. Maraming dugo.
Mga alingawngaw ng putok ng baril.
Mga walay buhay na katawang nakahandusay kahit saan.
“Alice! Magtago ka. Magtago ka, dali!”
“H’wag! H’wag po! Maawa po kayo.”
“Papa, papa… Huwag niyo po siyang sasaktan!”
Bang!
“HUWAG!”
Napabalikwas si Elyse sa kinahihigaan dahil sa isang masamang panaginip. Para siyang hinahabol ng isang dosenang aso sa lakas ng kabog ng kanyang dibdib.
“Elyse! Ayos ka lang?”
Mula sa mahabang upuan sa may sala ay bumangon si Cliff at tumakbo palapit sa kanya. Umupo ito sa gilid ng kama. “Nananaginip ka na naman.”
“Isang bangungot,” sagot niya kay Cliff.
Tumayo ang binata at kumuha ng isang basong tubig mula sa kusina. Iniabot niya ito na agad naman niyang ininom.
“Napapadalas na
