"Kayo na lang po ang magbigay kasi uuwi ako para ibalita na okay na si Kumander Allhe, sigurado akong nag-alala silang lahat."
"Sige, huwag kang mag-alala ibibigay ko ito."
"Lieutenant, puwede ko bang masilip si Kumander bago ako umalis?"
"Oo, puntahan mo na lang doon sa loob."
"Sige po, salamat." Pumasok agad si Switlyne.
Naiwang mag-isa si Jacob at nilalaro sa mga daliri niya ang kuwintas at tinitigan nang mabuti. Sakto naman na lumabas si Doktora Sheann, at kasama ang bunsong anak, para sana tanungin siya tungkol sa nangyari sa asawa niya. Ngunit natigilan siya nang makita ang familiar na kuwintas. Halos hindi siya kumukurap habang titig na titig sa hawak ni Jacob.
"Jacob, puwedeng patingin sa kuwintas?"
"Yes, Tita." At inabot niya ito.
Halos sasabog ang dibdib ni Doktora She
