"Huwag kang matakot hindi kami mga kalaban. Sige na, kumain po muna kayo."
Biglang pumasok ang isa pang babae na balot na balot ang katawan tanging mata at kamay lang ang nakalabas nito.
"Switlyne, sinabi mo na ba sa kaniya ang bilin ni Kumander?" tanong nito.
"Hindi pa, Ate Mariss."
"Magpahinga ka nang maaga ngayon, dahil bukas ng umaga ay ihahatid ka namin palabas ng baryong ito."
"Matanong ko lang, ilang araw na ba ako dito?"
"Isang linggo," tugon ni Marissa.
"Alam mo bang si Kumander ang nag-aalaga sa 'yo? Siya rin ang nagbabantay araw-araw at gabi-gabi!" sabad ni Switlyne.
"Switlyne, bibig mo!"
"Sorry po, Ate Marissa."
Lumakas ang t***k ng puso ni Jacob, at bigla nitong naisip si Allhe. "Puwede ko bang makausap ang inyong Kumander? Gusto ko lang magpasalamat nang person
