“T-TEACHER…”
Anong ginagawa niya rito? Gabi na kaya dapat ay wala na siya rito.
Naalala ko ang sitwasyon ni Nanny Olivia. Agad akong bumalik sa aking ulirat. Itinuro ko kay Teacher Sofia ang katawan ni Nanny.
“My nanny has passed out! Let’s help her, Teacher.”
Tumaas ang isang kilay ni Teacher Sofia bago ngumiti muli sa akin. Umiling ito.
“No, Yvo. She’s dead.” Huminga nang malalim si Teacher Sofia. “Looks like may mga nakapasok na masasamang tao rito sa bahay ninyo. Come with me, Yvo. Poprotektahan ka ni Teacher.”
Nangilabot ako sa boses niya. Parati kong gustong sumama sa kanya noon, pero ngayon ay nagdadalawang isip ako.
Hinila ako ni Teacher Sofia pero hindi ako kumilos. Dumiin ang kanyang kuko sa aking braso kaya napadaing ako sa sakit.
“Bad people are inside your house, Yvo
