MATAPOS kong magpalipas ng oras at makausap sina Maxine at Aneesa, nagdesisyon na akong umuwi. Hindi naman ako nahirapan na makauwi dahil nalaman ko rin naman kalaunan ang kinaroroonan ko. Nag-taxi na lamang ako. Uuwi muna ako sa apartment ko bago pumunta sa penthouse ni Yvo.
Nang nasa penthouse na ako, wala pang tao roon. Mukhang hindi pa nakakauwi si Yvo at kasama pa ng fiancée niya at ng pamilya nito.
Kapag naalala ko ang nangyari, pakiramdam ko ay maluluha na naman ako. Mabuti na lang at nagagawa ko pa ring pigilan.
Naupo ako sa kama ni Yvo. Hinaplos ko iyon at naisip na marami kaming alaalang dalawa rito.
Matagal ko ring pinag-isipan ang pinaplano ko. Inisip ko na hindi ko naman tlaga ito kailangang gawin, pero nahihirapan ako.
Tahimik lang akong nakaupo sa kama ni Yvo habang hin
