"KUMUSTA NA SI Danica?" tanong ni Faith sa nanay-nanayan niyang nakita niyang saktong palabas ng isang kuwarto.
"Ayos na po siya, ma'am. Nasa loob po siya ng kuwartong ito, kung gusto niyo po siyang makita at kausapin, puwede po kayong pumasok. Ma'am, aalis lang po ako sandali at susunduin ko lang po ang asawa ko," sagot nito sa kaniya.
Napatitig siya sa mga mata nito. Napakagalang nito sa kaniya. Kung makilala kaya siya nito bilang Faith, ano kayang gagawin nito? Gagawin ba ulit nito ang ginawa sa kaniya dati? O magmamakaawa? Sunod-sunod siyang napailing at inalis iyon sa kaniyang utak. Hindi niya kailangang isipin ito, si Danica ang pinunta niya rito at hindi ito. Muli na naman niyang makikita ang baliw nitong asawa na siyang nagbenta sa kaniya kay Mason. Sana'y hindi kumulo ang dugo n
