NAKASAKAY SI FAITH sa taxi. Pasado alas-siyete na ng gabi. Ngayon lang siya umuwi dahil sinigurado muna niyang may magandang balita tungkol kay Danica. Dininig ng Diyos ang panalangin niya na gumaling ito na nangyari nga. Maayos na ito ngayon at hindi naman naapektuhan ang buong katawan nito. May gasgas lang ito at may bali sa may bandang paa. Iyong ulo nito kung saan dugong-dugo nang dinala nila, sinabi sa kanila ng doktor na walang naging pinsala ito kaya masaya siya. Nasa recovery room na nga ito ngayon at balak niyang balikan ito bukas para muling makita ang kapatid niya. Gusto rin niyang siya na ang sumagot ng lahat kaya babawasan niya iyong ibinigay ni Mason sa kaniya. Mahal niya ang bata kaya gagawin niya ang lahat maging maayos lang ito. Mabuti naman at hindi siya nasuhulan ng nana
