"SALAMAT PO, KUYA Ernesto..." ani Faith nang makabalik na sila.
Nakita niyang tumango ito kaya naman bumaba na siya sa kotse at naglakad na papasok sa loob. Bakit ganoon? Bakit parang pagod siya ngayon kahit wala naman siyang ginawang maaaring makapagod sa kaniya. Now, she wants to sleep at hindi niya alintana kung malapit nang maggabi. Ni hindi niya naisip na baka kapag nagising siya mamaya, lalo na't gabi na, hindi siya makakatulog. Hindi man lang iyan sumagi sa utak niya ngayon. Basta't ang gusto niya'y ibagsak ang katawan sa malambot na kama.
Nang marating ang pinto, itinulak na niya iyon dahilan para magbukas. Ngunit nakakailang hakbang lang siya sa loob nang mag makitang isang tao sa salas. Nakatayo ito habang pinagmamasdan ang mga larawan nila ni Calvin na nakapagay sa istante at
