"AKO, MAY SAKIT sa utak? Nababaliw ka na ba, Calvin?" hindi makapaniwalang tanong ni Faith kay Calvin.
Hahawakan na sana nito ang kaniyang kamay nang mabilis niyang iiwas iyon. Nainis siya dahil sa sinabi nito sa kaniya. Paano naman nito nasabi na may sakit siya sa utak? Dahil ba sa kinikilos niya? Kung alam lang nito ang katotohanan, baka hindi na nito nasabi iyon sa kaniya. Wala siyang sakit dahil pagpapanggap lang ang nangyayari ngayon.
"Did I offend you, honey?" mayamaya pa'y tanong ni Calvin.
Kaagad siyang tumango at sinamaan ito ng tingin. "Calvin, sino ba ang hindi ma-o-offend doon, ha? Sarili mong asawa tapos sasabihin pa na magpa-check up dahil baka may sakit ako sa utak. Are you crazy, Calvin? Mukhang baligtad yata, sa ating dalawa, ikaw yata ang may sakit dahil kung ano-ano n
