BUMALING PAHARAP SI Faith nang makitang bumaba si Hazel sa sasakyan ni Calvin. Bakit naman kaya ito bumalik? Para magpalit silang dalawa? Napailing na lamang siya at marahas na nagpakawala ng hangin sa bibig. Kapagkuwan ay nakarating na si Hazel sa loob.
"Faith," tawag nito at umupo sa kaniyang tabi.
Nilingon niya ito. "B-Bakit, Hazel?" walang kabuhay-buhay niyang tanong.
"Ihahatid ka muna ng mga tauhan ko sa bahay namin ni Mason. Doon ka muna mananatili hanggang bukas. Don't worry, magpapalit din tayo dahil kailangan kong makuha ang loob ni Calvin. Basically, kapag nakuha ko ang loob niya, baka hindi na siya maghinala pa. Huwag kang maarte, hindi ka gagalawin ni Mason!"
"Hindi ba puwedeng magpalit na tayo ngayon?" tanong niya.
Pinagtaasan siya nito ng kilay. "At sino ka para suhesty
