Raider's P. O. V.
Nagising ako na wala na sa tabi ko si Avannah kaya naman agad akong bumangon sa kama. Paglabas ko ng kuwarto, naabutan ko siyang umiiyak habang nakaupo sa kusina. Agad ko siyang nilapitan at saka niyakap.
"Honey.... bakit ka umiiyak?" tanong ko sa kaniya habang yakap siya ng mahigpit.
Hindi siya nagsalita. Sa halip ay niyakap niya lang ako nang mahigpit. Bigla kong naramdaman na para bang may mabigat siyang problema o ano man. Nanlaki ang mata ko nang maisip kong baka dahil iyon sa relasyon naming dalawa.
"Tumawag sa akin si Lorenzo. Sinabi niya sa akin na ikinalat ni Divine sa buong kompanya mo ang tungkol sa relasyon natin. At dahil sikat ka, kumalat ito online hanggang sa malaman ni papa. Tumawag din siya sa akin at galit na galit siya. Hindi niya raw matatanggap a
