◄David's POV►
Nagising ako at hindi ko alam kung anong oras na. Naririnig ko na lang na nag-uusap ang mga kasama ko dito sa silid ko sa loob pa rin ng hospital. Hindi ko idinidilat ang mga mata ko dahil wala namang magbabago kahit imulat ko man ang aking mga mata.
Nagpapanggap akong tulog, ayokong marinig ang mga habag nila para sa akin. Hindi ako sanay na kinakaawaan ng mga tao. Ayoko ng ganitong nararamdaman ko. Gustuhin ko mang magalit ay wala naman akong magagawa dahil bulag na ako, at higit sa lahat ayokong ma-stress ang mahal kong si Allison.
"Good morning,"
Parang may kung anong bumundol sa puso ko ng marinig ko ang boses ng doktor na pumasok sa loob ng aking silid. Gusto ko na namang maiyak dahil alam ko kung ano ang magiging resulta nito. Gustuhin ko mang isipin na may pag-as
