"Kasalanan mo ito, Ricardo. Hindi mo binantayan ang anak mo, alam mo naman ang ugali ni Selena, pasaway iyon at rebelde. Hindi mo alam kung anong kahihiyan ang ginawa ng anak mo sa pamilya namin!" galit na sabi ni Arnulfo.
"Matutuloy ang kasal, Arnulfo. Hahanapin ko ang anak ko, kahit saang lupalop pa siya ng mundo magtago."
"Dapat lang na hanapin mo, kung hindi ay hindi kita tutulungan na iahon ang negosyo mo. Alalahanin mo, wala nang ibang makakatulong sa'yo kung hindi ako lang. Kung hindi mo maibibigay ang kaisa-isang kahilingan ko ay pasensiyahan na lang tayo."
Iniwan na nito si Ricardo at lumabas na ng opisina nito. Napatiim bagang naman si Ricardo. Lalo pang pinalaki ng anak niyang si Selena ang kaniyang problema.
-
Samantalang, sa bahay ng mga Salvador ay nagdidiskusyon ang ma
