"Sir John, wala pa bang nahahanap na bagong yaya ni Liam?"
Inabangan talaga ni Dina ang pagdating ni John para makibalita. Ayos lang sana kung ang mga naiwang trabaho lang ni Betty ang ipagagawa sa kaniya, ang hindi niya kaya ay iyong pati ang pag-aalaga kay Liam ay iniwan rin sa kaniya. Ilang araw pa lang siyang nagbabantay rito ay parang mapapanot na siya sa kunsumisyon. Gaya na lamang kahapon, umuwi itong basang-basa galing eskwelahan. Nagpaalam lang sa teacher na magtatapon ng basura pero hindi na bumalik. Halos mabaliw sila ni Ms. De Castro sa kahahanap dito. Malakas pa naman ang ulan ng mga panahon na iyon. Nakita na lang nila ang bata na naliligo na pala sa ulan. Laking pasalamat na lamang niya at hindi ito nilagnat, kung hindi ay tiyak na malalagot siya sa kaniyang amo.
"I'm sor
