Sinundo ni Selena si Liam sa eskwelahan. Paglabas na paglabas ng bata sa kaniyang classroom ay inabot lang nito ang bag sa kaniya at pagkatapos ay nakipaghabulan na sa kaniyang mga kaklase.
"Liam, huwag kang tatakbo!" malakas na sigaw niya, ngunit hindi siya pinansin nito. Nagmamadali siyang lumakad bitbit ang school bag ng kaniyang alaga.
Ang sasakyan nila ay umalis sandali para magpagasolina at hindi pa dumarating.
Hindi niya maawat ang bata sa katatakbo kaya naupo na lang muna siya. Hindi na lamang niya inalis ang tingin dito dahil baka kung ano na naman ang gawin nito.
"Ikaw ba ang bagong yaya ni Liam?"
Napaangat ang ulo niya ng may magsalita sa harapan niya.
Ngumiti ang magandang babae, nakasuot ito ng uniporme kaya naisip niyang isa itong teacher sa paaralan na iyon.
"Ako nga
