"Nasaan si Liam?" tanong ni Selena kay Olga, tinungo niya ang kusina para puntahan ang kaniyang alaga ngunit wala ito roon.
"Tapos ng kumain, baka dumiretso na sa kwarto niya," tugon naman ni Olga.
"Kamusta nga pala ang pag-uusap ninyo ni Sir Marcus? Napagalitan ka ba?"
"Oo naman, sa tingin mo ba pupurihin ako ni Sir, pagkatapos niyang malaman na umuwing mag-isa ang anak niya?" papilosopong tanong niya.
"Sabagay, si Sir Marcus, laging masungit 'yun. Kahit kailan hindi ko pa siya nakitang natuwa. Ni hindi ko nga nakitang lumabas ang mga ngipin niya."
"Kaya nga eh, ubod ng sungit," sang ayon naman niya.
"Oh, sige na, maiwan na kita d'yan,, hahanapin ko muna ang alaga ko."
"Sige, pagalitan mo ha, kapag nakita mo. Kaya hindi natatakot ang batang 'yon dahil kahit anong gawin niyang kasal
