Nakatingala si Selena habang tinatanaw ang malaki at mataas na bahay sa isang pang mayaman na subdivision. Dito siya ibinaba ni Mang Freddie.
"Simula ngayon ay diyan ka na titira, iyan ang bahay ng magiging amo mo. Mag-doorbell ka na lang sa gate, hindi na kita masasamahan sa loob. Ang trabaho ko lang naman sa kompanya ay magsundo at maghatid ng mga aplikante. Kapag may problema, tawagan mo agad ang agency," bilin ni Mang Freddie.
"Sige po, Mang Freddie ako na ang bahala."
"Okay, maiwan na kita. Good luck sa bago mong trabaho, sana maging maayos ang buhay mo sa kanila."
"Sana nga po. Mag-iingat po kayo sa pagda-drive. Salamat po sa paghatid ninyo sa akin dito."
"Walang anuman. Basta yung sinabi ko sa'yo kapag may problema tawag ka agad sa agency, hindi ka naman nila pababayaan."
"Opo
