Habang nasa biyahe ay panay ang tingin ni Marcus sa kaniyang orasang pambisig. Naghihintay sa kaniya sa Costa Daniela ang ex-girlfiend niyang si Charlene. Bago pa man niya nakilala ang namayapang asawa na si Angela, si Charlene ay una na niyang naging nobya. Kababalik lang nito galing nang Australia at nag-request na magkita sila.
Wala naman siyang balak na ito ay siputin, kaya lang ay na-cancel ang dapat sana ay meeting niya sa kaniyang mga investor. Naiwan ang mga ito ng eroplano, hindi sila umabot sa itinakdang oras kaya ipinagpaliban na lang ang meeting sa susunod na araw.
Hindi niya napigilan na mapatanong sa sarili kung ano na kaya ang lagay ng estado ng buhay ni Charlene ngayon? Nakatakda na sana silang ikasal noon, kaya lang ay mas pinili nito ang career kaysa sa kaniya. Masama a
