"O, Selena! Saan ka ba galing? Kanina pa kita hinahanap. Yung vacuum saan mo inilagay?" Nagulat pa si Selena nang biglang sumulpot sa harapan niya si Dina.
"Huh!" nanulas sa bibig niya.
"O, bakit parang gulat na gulat ka? Para kang nakakita ng multo, ah," nagtatakang wika ni Dina.
"Ha! Wa-wala," tarantang sabi niya.
"Nasaan na yung vacuum?" pag uulit na tanong nito.
"Nandun sa taas, nasa storage."
"Bakit hindi mo binaba?"
"Hindi pa kasi ako tapos maglinis ng kwarto ni Liam."
"O, sige, gamitin mo muna, pagkatapos mo ibaba mo rito, ha."
"Oo na."
Tinalikuran na niya si Dina, papunta siya sa hagdan. Hindi niya alam kung paano siya nakababa gayong nasa taas siya kanina. Nang palabasin siya ni Marcus sa silid nito ay parang nawala siya sa sarili at hindi na niya alam kung ano ang kani
