Ngayon ang araw ng kasal ni Selena. Kung ang lahat ng babaeng ikakasal ay excited, hindi makatulog at halos hatakin na ang oras dumating lang ang pinakahihintay na espesyal na araw na iyon sa kaniyang buhay, ay kabaliktaran naman nito si Selena. Ang araw ng kaniyang kasal ay ang araw na pinakaayaw niyang sumapit. Para sa kaniya ang maikasal kay Hugo ay isang masamang panaginip.
"Selena, bakit hindi ka pa nagpapa-make up, malapit nang magsimula ang kasal mo? Anumang oras ay darating na ang bridal car para sunduin ka. Kanina pa tawag nang tawag ang daddy mo at nanghihingi ng update sa akin kung okay ka na." Umupo si Flora sa upuang bakal na malapit lang sa kinaroroonan ng vanity mirror kung saan naman nakaupo si Selena. Nakatitig lang ito sa salamin at pinagmamasdan ang sarili na wala pang
