Bukas na iyong alis namin papuntang Cebu para doon na kami sumakay patungong Bantayan Island kaya naisipan kong dalhin sa mall si Mico para pamilhan ng mga dadalhing gamit.
Sa Bantayan Island talaga iyong venue. Isa siya sa mga islang sakop ng Cebu.
Napamilhan ko si Mico minsan ng mga gamit pero dahil sobrang mahal ng taste niya iilang piraso lang ang kinaya ng budget ko.
Ngayon ay binigyan ko na siya ng kota na ten thousand dahil ako na iyong nababahala na baka di niya ako mabayaran kung sakali.
"Hey, saan ka pupunta?" nabigla kong tanong sa kanya ng nagmamadali siyang bumaba ng sasakyan kahit di ko pa maayos na naparada ito.
Mabilis din akong bumaba upang sundan siya at napakunot-noo ako nang makita kong may kausap siyang babae na medyo may edad na pero posturosa pa rin at pasosyal
