Chapter Fifty-one
"Huwag ka sanang magalit, Miss Lucinda. Kung nagdesisyon akong ipakilala ka sa kapitbahay bilang asawa ko." Napatingin ako sa lalaki. Nagwawalis ito sa bakuran. Tumakas lang kami... may instant asawa agad ako?
"Hmm..." walang salitang lumabas sa bibig ko.
"Galit ka ba, Miss Lucinda?" tanong nito sa akin. Umiling naman ako.
"Iniisip mo lang kami, Top. Hindi ako galit. Saka huwag mo na akong tawaging miss. Kung asawa ang pakilala mo sa akin sa mga kapitbahay. Mas better na tanggalin mo na ang miss." Tumayo rin ako't lumapit dito sabay lahat ng kamay. "Call me Inda, Top." Itinigil nito ang pagwawalis at tinanggap ang inilahad kong kamay.
"Inda." Magaang bigkas nito.
"Bagong simula, Top." Saka bumagsak ang tingin ko sa kamay kong maingat kong inilapat sa tiyan ko.
