Chapter Fifty
Mahigpit na magkahawak ang kamay namin ni papa habang umaangat na ang helicopter na kinalululanan namin.
Palayo na kami sa San Ildefonso. Palayo sa lugar kung saan nakasama ko rin nang matagal ang gobernador. Walang tigil ang luha ko sa pagpatak. Lalayo na kami. Hindi na babalik pa.
Hindi namin makuhang mag-usap ni papa habang nasa himpapawid kami.
Pero nang lumapag na ang helicopter sa isang hotel helipad at makababa kami ay saka lang namin nakuhang magyakap nito.
Tinanaw ko pa ang papalayong helicopter habang si papa ay hindi ako binibitiwan.
Pareho naming luhaan nito. Parehong masaya na yakap ang isa't isa.
Si Top na pinagmamasdan kami ay malawak ang ngiti at maluha-luha rin. Alam nito ang pinagdaanan naming mag-ama.
Alam nito kung bakit ganito na lang kami
