Chapter Thirty-five
"You are fired." Napaawang ang bibig ni Shaira sa sinabi ko. Kasama nito si Manang Nelly na nagulat din sa paglapit ko. "Narinig mo ako, 'di ba? Mag-impake ka na't umalis sa mansion na ito, Shaira."
"Sandali lang, Miss Lucinda. Hindi mo pwedeng gawin iyan." Mabilis na tutol ni Manang. Humarang pa ito na akala mo'y pinoprotektahan n'ya si Shaira. Ano bang tingin ni Manang? Sasaktan ko si Shaira?
"Bakit hindi ko pwedeng gawin?"
"Hindi ikaw ang boss namin. Hindi ikaw ang may-ari ng bahay na ito."
"Tama. Nagrereyna-reynahan ka lang." Gatong ni Shaira. Bahagya akong ngumiti. Ibinaling ang tingin kay Governor Andreras. Bahagya lang namang tinanguan ako ng gobernador. Kaya nang tumingin ako sa dalawa ay nagsalita ako na ikinagimbal nila.
"Dalawa kayo... mag-impake na kay
