Chapter 9
Parang may gumuhit na kung anong kaba sa dibdib ni Ziah nang marinig ang boses ni Lena sa kabilang linya.
Nawawala si Black!
Nawawala si Black? Paanong nawawala ang alaga nila? Kaaalis pa lamang niya halos mag-iisang oras tapos ngayon ay nakatanggap na siya ng tawag mula sa mansyon, nagsasabing wala iyon sa storage room?
“T-Teka…wait, ate Lena. Hinanap mo na ba sa paligid? Baka naman naglalakad lakad lang sa pinuntahan niyo kahapon. Sa garden? Baka nandun lang si Black,” natutop ng dalaga ang noo.
“Wala, senyorita! Wala talaga at ilan na kaming naghahanap, pati mga hardinero natin. Nakita raw nila na lumabas kanina pero hindi nila napansin kung saan pumunta!”
“Look at the CCTV, ate. Di ba nasa TV nakakonekta yun?”
“Ah oo, dun sa TV sa kusina pala. Oho, senyorita. Sa
