Jessa's POV
WALA silang imikan habang bumabiyahe pauwi. Gusto niya sanang tanungin si Xyrius tungkol dun sa kapatid nito pero hindi naman siya makahanap ng tiyempo para tanungin ito.
Hanggang ngayon kasi madilim pa rin ang mukha nito. Natatakot naman siyang kausapin kahit nga biruin dahil baka sigawan lang siya. Seryosong-seryoso kasi ang ekspresyon nito.
Nakarating sila sa bahay ng hindi pa rin ito umiimik.
"Ah… Papasok ka ba?" basag niya sa katahimikan. Hindi pa kasi ito kumikilos o lumilingon man lang sa kanya. "O, uuwi ka na?" tanong niya uli.
Para siyang nakikipag-usap sa hangin dahil parang hindi naman siya nito naririnig. Tulala lang ito habang mahigpit na nakahawak sa manibela.
"Uy…" tinusok niya ang tagiliran nito. Napapitlag naman ito. Napakurap-kurap pa na parang ngay
