Primo:
MATAPOS ANG SUCCESSFUL na operation namin na pabagsakin ang grupo ni Havier ay nag-lie-low muna kami ng mga tao ko. Lahat sila ay may nakuhang malaking bonus sa mga properties at pera ni Havier na nakuha namin ng buong-buo. Hindi naman kasi mahalaga sa akin ang pera dahil umaapaw na ako nun, at wala naman akong pamilyang pinaglalaanan. Hindi tulad ng mga tauhan ko na karamihan sa kanila ay may mga pamilyang binubuhay.
Nagbakasyon ako sa isla. Gusto ko munang mapag-isa. Kung sakali at may kalabang sumunod sa akin dito ay hindi naman nila ako basta-basta mapapatumba. Kaya kampante akong magpagala-gala ng mag-isa sa isla ko.
Isang umaga. Sakay ng speedboat ko ay naglibot-libot ako sa mga kalapit na isla. Matagal na ako sa islang ito pero tanging sa boundary ko lang ako naglalalagi
