Angeline pov:
NANGUNOTNOO AKO na mapansin si Eivo sa may pampang na kalong ng isang binata at nakayakap pa ang anak ko dito. Naningkit ang mga mata ko na inaaninag ang mukha ng lalakeng may kalong sa anak ko pero masyadong malayo ang kinaroroonan nila para mamukhaan ko. Pero kung sa tindig at pananamit ay masasabi kong hindi ito taga dito sa amin dahil halos kakilala ko na ang lahat ng kapit-bahay namin. Kumabog ang dibdib ko na napatitig sa pigura ng lalake. Para kasing, magkasingtangkad at katawan sila ni Primo. Nangatog ang mga tuhod ko.
"Imposible" anas ko na tumulo ang luha. Pero kahit kinukumbinsi ko ang sarili ay iba ang nararamdaman ko.
Maya pa'y ibinaba na nito si Eivo na may hinugot sa bulsa at may kinausap sa cellphone na itinapat sa tainga. Nakatingala naman dito ang anak
