NANG makabawi sa pagkagulat si Summer ay saka lang niya nagawang itulak si Walter. Hindi man nakikita, batid ng dalaga ang pagtataka na rumehistro na mukha nito habang nakatingin sa kaniya.
“Hey, what’s wrong? Ilang buwan tayong hindi nagkita tapos ganiyan ang ibubungad mo sa akin?” tila nainsulto na reklamo ng dating nobyo.
Naramdaman ni Summer si Mark Anthony na nasa tabi niya na parang gustong mag-react ngunit hinawakan niya ito sa braso upang pigilan. Bukod sa ayaw niya itong madamay sa gusot nila ni Walter, ayaw ng dalaga na doon pa sila magkagulo.
“Pasalamat ka at hindi ko kayang sirain ang araw na ito, Walter. Kaya kung ako sa’yo, umalis ka na at huwag ka nang magpakita uli sa’kin,” mariing pagtataboy niya rito. “Matagal na tayong tapos.”
“What? Ano ba ang pinagsasabi mo? Anon
