AKALA ni Summer ay mas maaga siyang nagising kaysa kay Mark Anthony nang araw na iyon. Kaya agad niyang binuksan ang bintana para tawagin ito. Kaya ganoon na lang ang gulat niya nang bigla na lang itong bumulaga sa harapan niya. Dalawang buwan na rin ang kanilang relasyon.
“Good morning, hon!” masiglang bati nito sa kaniya.
Ngumiti si Summer ngunit nanatili ang pagtataka sa kaniyang mukha. “Good morning din, hon. Pero ano ang ginagawa mo diyan sa labas ng bintana ko?”
“Hinihintay kang magising. Ang aga ko kasing gumising at sinamahan ko muna si Mia na magpaaraw sa dalampasigan.”
“Bakit hindi mo na lang ako ginising?”
“Ang sarap pa kasi ng tulog mo. At saka ang sabi ni Tita Aurora, alas dose na raw kayo natulog kagabi kasi nanood pa kayo ng movie.”
“Oo nga, eh. Nakapatay na nga ang i
