Naiayos ko na iyong mga gamit namin ni Aqui. Pero dahil kabilin-bilinan nito na ilagay sa kwarto ni Tilda ang mga iyon ay medyo napagod ako. Ngayon ay katatapos ko lang, nakapag-merienda pa at nakaligo muna bago ako hinila nang antok. Hindi ko alam kung gaano matagal iyong tulog ko, pero nagising na lang ako na parang hinahalukay ang sikmura ko. Kaya napabalikwas ako nang bangon. Para pa ngang nagulat si Aquihiro na hindi ko namalayang tumabi nang higa sa akin at nakatulog din.
Tumakbo ako sa banyo at agad na lumuhod sa toilet bowl. Nasusuka ako, samahan pa nang pagkahilo.
Naramdaman ko na lang ang paghawak ni Aqui sa buhok ko, inipon nito iyon upang hindi maging sagabal sa akin.
Nang matapos ako'y inabutan din n'ya ako ng towel. Saka inalalayan tumayo.
Lumapit ako sa lababo, nagmu
