Tahimik lamang ako na nakaupo sa tabi ng bintana ng bus habang nakayakap sa sarili at may balot pa ng kumot. Sobrang lamig, dahil pasado alas-kuwatro ng madaling araw kami umalis sa bahay at kahit na umaandar ang bus ay malamig parin.
Napatingin ako sa katabi kong si Ate Darren at nakita ko siyang natutulog habang may takip na kumot kaya inilibot ko nalang ang paningin ko. Nasa second row kami ni Ate Darren, bandang kanan ng bus habang sa kaliwa namin sina Ate Dianne at Darlyn at sa likod nila sina Mama at Papa.
Hindi ko parin alam ang dahilan ng biglaan naming pag-uwi pero hindi na ako nagtanong. Bigla din kasi akong nasabik dahil almost ten years din kaming hindi nakauwi.
Pinagmamasdan ko ang lugar na nadadaanan namin at hindi ko maiwasang mapangiti. Napakaganda ng mga pun
